影片
更多
2018-10-12
150 浏览
回本放题😋寻日同朋友2个人去放纵一餐，食放题，简左呢间一乐。第一次食，又几有惊喜㖞。首先，要赞一赞佢个环境。地方阔落，坐得舒舒服服。枱与枱之间的距离亦比较远，起码倾计都唔怕俾人听到。跟住，梗系要讲下佢啲食物啦。呢度啲生蚝好大只、好肥美，估唔到放题都有呢啲咁好质素嘅生蚝食。啪返10只8只都回本啦。而我亦都好钟意食佢嘅寿司，尤其是火炙左口鱼寿司，块左口鱼劲肥美， encore左几次。不过好在啲寿司饭细细旧，食多几旧都唔怕。至于食放题我一定会必点串烧，呢度啲串烧冇令我失望。牛舌同埋波浪肥牛卷超级好食，我每样都食咗成五、六串。啲烧牛舌唔会太淋或太韧，口感十分好。至于食波浪肥牛卷，比起薄薄嘅一片肥牛，卷埋一齐食，有口感好多，而且亦唔会烧到好柴，仍然好有肉汁。其他熟食都唔错，例如牛筋腩锅，啲牛筋好Q弹淋滑，仲有贵价野冬菇花胶，都值得一试。至于饮品方面，我要赞下佢嘅鲜榨橙汁，原只橙榨出嚟，又健康又好味。仲有，榴梿控必定要试呢个炸榴梿。呢个口感十分丰富，外面层炸衣脆卜卜，中间层糯米糍烟烟韧韧，入面仲有流心榴梿馅。个榴梿馅非常之香浓，榴梿味劲重，正呀！食到十分饱，但系都要食埋呢个Häagen-Dazs朱
寻日同朋友2个人去放纵一餐，食放题，简左呢间一乐。第一次食，又几有惊喜㖞。
首先，要赞一赞佢个环境。地方阔落，坐得舒舒服服。枱与枱之间的距离亦比较远，起码倾计都唔怕俾人听到。
跟住，梗系要讲下佢啲食物啦。呢度啲生蚝好大只、好肥美，估唔到放题都有呢啲咁好质素嘅生蚝食。啪返10只8只都回本啦。
而我亦都好钟意食佢嘅寿司，尤其是火炙左口鱼寿司，块左口鱼劲肥美， encore左几次。不过好在啲寿司饭细细旧，食多几旧都唔怕。
至于食放题我一定会必点串烧，呢度啲串烧冇令我失望。牛舌同埋波浪肥牛卷超级好食，我每样都食咗成五、六串。啲烧牛舌唔会太淋或太韧，口感十分好。至于食波浪肥牛卷，比起薄薄嘅一片肥牛，卷埋一齐食，有口感好多，而且亦唔会烧到好柴，仍然好有肉汁。
其他熟食都唔错，例如牛筋腩锅，啲牛筋好Q弹淋滑，仲有贵价野冬菇花胶，都值得一试。
至于饮品方面，我要赞下佢嘅鲜榨橙汁，原只橙榨出嚟，又健康又好味。
仲有，榴梿控必定要试呢个炸榴梿。呢个口感十分丰富，外面层炸衣脆卜卜，中间层糯米糍烟烟韧韧，入面仲有流心榴梿馅。个榴梿馅非常之香浓，榴梿味劲重，正呀！
食到十分饱，但系都要食埋呢个Häagen-Dazs朱古力雪糕。
超级满足的一餐。而且service好好，食咗两个几钟，啲职员同我地换左几次碟👍🏻👍🏻👍🏻值得再试既放题😋
张贴
