鉄人大盛 (已結業)

父亲节更系要带父亲去食好嘢，父亲节前一日同家人去咗食铁板烧放题，佢同一般放题最大分别就系多左铁板烧即叫即整，响你面前表演畀你睇。除咗平时都有嘅刺身、寿司、炸物、锅物等等，一个价钱有晒唔同嘅嘢食，满足晒一家人嘅胃口。𠮶日食得最多嘅就系煎鹅肝多士，食左十块八块，值回票价，鹅肝外脆内软，大细size刚刚好，放向多士表面，双重口感，多士索咗鹅肝出嚟嘅油所以特别香，真系食到停唔到口，要encore再encore。放题必食嘅刺身种类又多又齐，每样都好吸引，新鲜又好味。最正既铁板烧，即叫即煎，睇个卖相都一流，煎牛柳粒、羊扒、扇贝、香口好味。另外炸物有大虾天妇罗、榴梿炸弹 、芝士球等等，每样炸物新鲜热辣而且一啲都唔油。反而佢既寿司同饭卷味道正常，只系一般冇乜特别，可以悭番个肚食第二样嘢。食放题2小时真系唔够用，到最后我哋每人冲刺食咗杯Haagen Dazs 雪糕，就算好饱都觉得好味。