兩姊妹涼皮有限公司 (柏樹街) (已搬遷) 新店位置

两姊妹memu之食评继续扫。上回讲到凉面有几好味，今回回归基本，讲返呢间铺嘅招牌凉皮（29蚊）。凉皮我自己就食过N咁多次，食得辣嘅我次次都系食中辣，贪佢辣得嚟唔呛喉，又过到铺麻辣瘾。质素方面基本无乜太大分别，唔会话一时好好食一时好差，算非常稳定，凉皮弹牙辣度稳定。唯二要留心嘅，就系虽然辣得过瘾，但凉皮十分挂汁，记得带水/买嘢饮，同埋记得带纸巾，因为多数辣到口水鼻涕一齐嚟😂一碗凉皮基本配备有：一大堆唔知几多条嘅青瓜丝，对女士嚟讲够一餐，男士作为下午餐嘅凉皮份量，脆口嘅豌豆，花生碎，少量芫茜，最后系凉皮嘅灵魂 - 辣而不太油嘅辣汁！沾满辣汁嘅凉皮同爽脆嘅青瓜丝拌住几粒豆豆一齐食，愈食愈开胃，不消两嘢就食完，大食一族硬系会觉得有啲意尤未尽，好似踢到一半就完场咁。除左加底之外，如果想拣饱肚之选嘅话，敬请期待下次介绍嘅薯粉。