M3 Italian (已結業)

前排去完上海番到黎，虽然系果边食左好多野，但同样好怀念西式餐厅既日子～番到黎冇几耐，就约左朋友黎食M3～对上次食M3我谂都成年前，当时仲系大埔果边，地方仲要行几耐，而前排佢地系大围开左分店，仰近地铁站好多TIM，感觉方便左。餐厅位置几有空间感，扒房既格局，同大埔果间有好大对比，不过我比较中意呢个环境。餐牌选择多多，由前菜到甜品都有几款拣，而且有图有真相，实物同张相都唔会差好远。炸杂锦三式包括有单骨鸡翼、酥炸大虾同薯角，同FD都好中意食炸野所以唔嗌唔得，单骨鸡翼外层炸得有啲硬，口感偏干身。酥炸大虾，配埋他他酱一齐食，外层脆口内里弹牙，味道感觉都唔错。薯角，其实可以话见到薯角我就会癫，所以唔洗讲我都会话好好食XD 份量都做得岩岩好。黑松露野菌烧带子意大利粉，配汁唔算太多既意大利粉，因为有带子同蚬，所以干身少少先唔会盖过左佢地阵味。意粉口感偏硬身，松露同野菌配搭得唔错，野菌份量多之余令黑松露更加入味，而煎香过既带子啖啖鲜嫩，香口非常。因为食得太多煎炸野，所以饮番啲茶中和下，味道有中上表现，虽然价钱偏贵但有机会都会再黎。