13
2
1
等级4
249
7
回归第一击: 印式素菜馆o既第三个选择
2012-03-30 1070 浏览
已经好耐冇写饮食o既感想. 请各位多多指教. 我都系从 Openrice 知道有呢间舖o既存在. 由于平日去老尖o既 Branto 同埋尖东o既「活兰」食得多, 一直想揾o的新舖试o下. 见之前两位食家 post 出o黎o既相好对版, 就一心谂住系新年假之后o黎食, 怎知当时睇到门口贴出告示, 话东主有喜返o左乡下(印度), 要三月中致返o黎香港启市. 咁无法啦, 唯有等到今晚放工后, 慢慢享受. 呢间舖系红磡广场对面o既青州街, 比较清静. 格局同 Branto 相似, 都系实而不华. 一o黎到唔洗等位, 即刻点o的可以同老尖双雄 (Branto / 活兰) 比较o既菜式嗒真o的. 同 Branto 一样, 佢地既菜牌有两种: 英文既一张过纯文字过胶菜牌, 同埋相簿式图片菜牌, 以便唔多式叫菜名既本地食客睇住的相黎哎. 要留意既系相簿类面既菜式, 例如 Dosa, 系纯文字菜牌类面系无既, 可以话系互相补足. 我点左以下既菜式. 立即去片:「Masala Dosa」(南印度煎米饼): 质素拍得住 Branto 咁好. 由于佢唔系 Paper Dosa, 由头脆到落尾个种. 而系外边
更多

已经好耐冇写饮食o既感想. 请各位多多指教.


我都系从 Openrice 知道有呢间舖o既存在. 由于平日去老尖o既 Branto 同埋尖东o既「活兰」食得多, 一直想揾o的新舖试o下. 见之前两位食家 post 出o黎o既相好对版, 就一心谂住系新年假之后o黎食, 怎知当时睇到门口贴出告示, 话东主有喜返o左乡下(印度), 要三月中致返o黎香港启市.
咁无法啦, 唯有等到今晚放工后, 慢慢享受.

呢间舖系红磡广场对面o既青州街, 比较清静. 格局同 Branto 相似, 都系实而不华. 一o黎到唔洗等位, 即刻点o的可以同老尖双雄 (Branto / 活兰) 比较o既菜式嗒真o的.

同 Branto 一样, 佢地既菜牌有两种: 英文既一张过纯文字过胶菜牌, 同埋相簿式图片菜牌, 以便唔多式叫菜名既本地食客睇住的相黎哎. 要留意既系相簿类面既菜式, 例如 Dosa, 系纯文字菜牌类面系无既, 可以话系互相补足. 我点左以下既菜式. 立即去片:
Masala Dosa (连 Sambar 汤 及 coconut chutney)
466 浏览
0 赞好
0 留言
 「Masala Dosa」(南印度煎米饼): 质素拍得住 Branto 咁好. 由于佢唔系 Paper Dosa, 由头脆到落尾个种. 而系外边脆, 包住薯蓉馅既中间部分厚度适中, 好赵得黎唔会好似「活兰」既 Dosa 咁韧痴痴. 里面既咖哩薯蓉馅同 Branto 一样系高水准, 一样有辣椒干混入其中, 我就知道我冇点错野, 食落口系完全对版, 辣度适中. 值得向大家推荐!
跟 Masala Dosa 上o既 "Sambar 汤"
396 浏览
0 赞好
0 留言
 「Sambar 汤」: 系跟埋 Masala Dosa 送o既点汁. Sambar 系南印度菜式之中, 用o黎点 Dosa, Idli, Vada 等等o既汤汁. 一般印度菜馆做o既 Sambar (包括 Branto 同 活兰) 都做得比较稀, 而且用料比较少, 饮完好似饮一般中汤咁, 一阵风无乜感觉. 手上o既呢一碗, 令我对 Sambar o既印象完全改观: 够浓, 菜料份量足, 淡淡都系入味既椰菜花同埋薯仔, 完全唔舍得用佢o黎点 Dosa (因为两样o野o既味道都好 "出"), 当佢系一碗好好味o既西式餐汤慢慢叹, 真系一流!
同样咁出色o既 coconut chutney
373 浏览
0 赞好
0 留言
 「coconut chutney」(椰子酱): 都系跟埋 Masala Dosa 送o既点酱. 呢个 coconut chutney 同我系老尖双雄食到o既好唔同. Branto 同 活兰 o既椰子酱系粗磨, 食到一粒一粒o既椰子, 味道比较粗糙. 呢度o既椰子酱系幼磨, 唔会见到粒粒椰子, 口感幼滑, 而混和其中o既辣味o系食入口之后至慢慢渗出o黎, 好有层次. 我心谂连一个小小o既酱料都做得咁有心机, 其他o既食品多数都差极有限, 真系估佢唔到!
Vegetable Biriyani (后) + Paneer Bhurji (前)
463 浏览
0 赞好
0 留言
 「Vegetable Biriyani」(什菜炒饭): 同 Branto o既比较, 呢度o既 Biriyani 同样都系落足料, 好充实. Branto o既炒得都几油, 而呢道做出o黎o既就少油同健康得多, 食到o既质感真系几近似印度住家饭o既 Biriyani, 由一个大煲里面装出o黎o既有味饭咁亲切. 能够做到呢种程度o既水准, 实在难得. (「活兰」o个o的印式炒饭, 差到真系唔好提.)


「Paneer Bhurji」(印式炒芝士): "Bhurji" 系印式炒蛋, 而呢味菜里面, 用o左印式芝士 (paneer) 代替鸡蛋. 印式芝士o既口感其实好似充满牛奶味o既硬豆腐, 将佢加热o黎炒就会产生类似鸡蛋o既质感同效果. Branto o既 Paneer Bhurji, 芝士比佐料多, 比较幼滑, 味道好好但欠缺一份街头小食o既粗豪气慨. 呢度o既印式炒芝士, 配料好充足, 淡淡都系洋葱, 芫茜, 蕃茄同青椒, 印式芝士炒出o黎既口感, 真系同真炒蛋无乜分别, 一样咁好味, 完全做到街边小贩卖 egg bhurji o既风味, 我非常满意.


总结: 对于钟意食印度素食o既我o黎讲, 今次真系发现新大陆, 唔使成日食o黎食去都系老尖双雄咁无选择. 要我排名次, 我会将 Sharmaji 同 Branto 并排第一, 因为呢两间都各有所长, 水准同样咁高; 至于味道同质素都比较求其o既「活兰」, 就系退而求其次o既次选.

(以上食记乃用户个人意见 , 并不代表OpenRice之观点。)
  • 推介
    已推介
  • 检举
2 已推介
    张贴
    评分
    味道
    环境
    服务
    卫生
    抵食
    用餐日期
    2012-03-29
    用餐途径
    堂食
    人均消费
    $100 (晚餐)
    推介美食
    Masala Dosa (连 Sambar 汤 及 coconut chutney)
    跟 Masala Dosa 上o既 "Sambar 汤"
    同样咁出色o既 coconut chutney
    Vegetable Biriyani (后) + Paneer Bhurji (前)
    • Masala Dosa (南印度煎米饼)
    • Vegetable Biriyani (什菜炒饭)
    • Paneer Bhurji (印式炒芝士)