影片
更多
2012-04-04
382 浏览
除o左印度菜之外, 川菜亦系我o既至爱. 近年o系元朗区出现o左好多川菜馆, 对于钟意食辣o既我, 从此无须北上又有好多好选择.第一次食元朗o既川菜系o系「一品红」, 觉得佢地o的鸡煲唔错, 但之后几次叫(食送)食饭, 觉得佢地o的水准唔够稳定, 于是决定揾多几间试o下, 「香辣风」就系其中之一.呢度都好近港铁o既朗屏站, 离「一品红」亦只系大约两个街口左右, 十分方便. 对面就系水边围村, 所以平时都有好多附近o既街坊o黎帮衬, 一到晚上 7:30pm - 8:00pm 就座无虚席.点菜方面完全冇难度, 除o左传统o既一张过文字餐单 (分小菜同粉面两种, 见上图) 之外, 舖头o既两边墙都挂上推介食品图片o既banner, 方便顾客选择, 十分体贴周到. o黎之前我睇o左呢度食评o既推介, 早已有心水选择. 一坐低, 即刻嗌o左: "麻辣牛肉" (HK$42) - 系冻小食, 嗌o左要最辣(应该比餐牌上o既 「大辣」更辣). 一上台见到红红o既麻辣酱料铺满肉面, 已令我相当兴奋. 一路食落去, 就知道 "牛肉" 原来系牛辗, 所以一o的都唔韧, 又有芽菜铺底. 麻辣酱麻香味足, 又
第一次食元朗o既川菜系o系「一品红」, 觉得佢地o的鸡煲唔错, 但之后几次叫(食送)食饭, 觉得佢地o的水准唔够稳定, 于是决定揾多几间试o下, 「香辣风」就系其中之一.
呢度都好近港铁o既朗屏站, 离「一品红」亦只系大约两个街口左右, 十分方便. 对面就系水边围村, 所以平时都有好多附近o既街坊o黎帮衬, 一到晚上 7:30pm - 8:00pm 就座无虚席.
点菜方面完全冇难度, 除o左传统o既一张过文字餐单 (分小菜同粉面两种, 见上图) 之外,
舖头o既两边墙都挂上推介食品图片o既banner, 方便顾客选择, 十分体贴周到. o黎之前我睇o左呢度食评o既推介, 早已有心水选择. 一坐低, 即刻嗌o左:
"麻辣牛肉" (HK$42) - 系冻小食, 嗌o左要最辣(应该比餐牌上o既 「大辣」更辣). 一上台见到红红o既麻辣酱料铺满肉面, 已令我相当兴奋. 一路食落去,
就知道 "牛肉" 原来系牛辗, 所以一o的都唔韧, 又有芽菜铺底. 麻辣酱麻香味足, 又够辣劲, 配以咁多片嫩滑o既牛辗, 令人食欲大增!
跟住o黎重头戏 "辣子鸡" (HK$78) - 同样嗌o左要最辣. 捧上台时真系大碟到难以致信, 系 3 - 4 人o既份量! 大量辣椒o既刺激香气同热气令我精神为之一振, 一路食落, o的鸡件炸得恰到好处, 又大件又juicy, 唔会好似「一品红」咁炸到干僧僧兼碎嫌嫌, 非常底赞! 唔单止咁, 一路食, 我重发现:
辣椒同鸡件o既比例大约系 6 比 4, 比起其他川菜馆辣子鸡o既 7 比 3 (有o的甚至系 8 比 2!), 呢度o既辣子鸡绝对系超值! 热热o既油爆红辣椒配以炸得o岩o岩好o既鸡, 使我o既味觉进入o左激烈又美妙o既空间, 系难以影容咁好! 送饭送酒一流. 绝赞推荐!
有咁好质素o既食物, 当晚连干三碗白饭加"青岛" 一支. 埋单 HK$153, 绝对超值.
题外话/补充资料：
(1) 见到好多台客都有嗌鸡煲o黎食, 兼卖相唔错, 下次有机会我都会试o下.
(2) 呢度系家庭式经营, 服务周到. 见到有客因为满座, 谂住原本堂食鸡煲改为外买. 的伙记一见到有客埋单, 就立即问个客有冇兴趣堂食兼留台俾佢, 个客当然say yes, 仲赞伙记好有心添!
(以上食记乃用户个人意见 , 并不代表OpenRice之观点。)
张贴
