影片
更多
2012-03-31
163 浏览
我钟意食 Ebeneezer's (以下简称 「E记」) 系始于大约6、7年前, 偶然经过湾仔骆克道 / 卢押道o既o个间小店开始. 依家越做越多分店, 湾仔、老兰、老尖甚至愉景湾、黄金海岸、昂平都有.以往由于工作地点关系, 平时礼拜五放工后多数会到老尖亚士厘道o既分店食晚饭, 但系o个度环境好挤迫, 成日满座, 要o拿o拿声食完闪让座俾等紧位o既人, 心里非常之唔舒服, 话晒我系o黎享受晚餐, 点解要贴钱买难受? 而且亦觉得亚士厘道分店o既食品质素有下降o既趋势, 所以寻晚就决定o黎呢间时有路过o既宝勒巷分店开餐, 睇o下呢个新发现会唔会为我带来惊喜. 呢度个场大过亚士厘道分店, 台凳o既分布明显阔落o左, 人流亦冇亚士厘道o个边咁憾憾声, 所以食o左成晚, 虽然高朋满座, 但就一o的都冇赶头赶命要食完俾位人o既压迫感, 加上老板同伙记有善o既服务态度, 寻晚食得真系相当游闲同舒畅. 剩系呢点已经值得我加分! 食o左o的乜? 立即去片: Onion Bhaji (炸洋葱饼; HK$23): 炸洋葱饼三件上连薄荷酱, 份量相当大件. 千祈唔好见到炸到咁深色就以为系炸秾o左, 其实呢味小
我钟意食 Ebeneezer's (以下简称 「E记」) 系始于大约6、7年前, 偶然经过湾仔骆克道 / 卢押道o既o个间小店开始. 依家越做越多分店, 湾仔、老兰、老尖甚至愉景湾、黄金海岸、昂平都有.
以往由于工作地点关系, 平时礼拜五放工后多数会到老尖亚士厘道o既分店食晚饭, 但系o个度环境好挤迫, 成日满座, 要o拿o拿声食完闪让座俾等紧位o既人, 心里非常之唔舒服, 话晒我系o黎享受晚餐, 点解要贴钱买难受? 而且亦觉得亚士厘道分店o既食品质素有下降o既趋势, 所以寻晚就决定o黎呢间时有路过o既宝勒巷分店开餐, 睇o下呢个新发现会唔会为我带来惊喜.
呢度个场大过亚士厘道分店, 台凳o既分布明显阔落o左, 人流亦冇亚士厘道o个边咁憾憾声, 所以食o左成晚, 虽然高朋满座, 但就一o的都冇赶头赶命要食完俾位人o既压迫感, 加上老板同伙记有善o既服务态度, 寻晚食得真系相当游闲同舒畅. 剩系呢点已经值得我加分! 食o左o的乜? 立即去片:
Onion Bhaji (炸洋葱饼; HK$23): 炸洋葱饼三件上连薄荷酱, 份量相当大件. 千祈唔好见到炸到咁深色就以为系炸秾o左, 其实呢味小食系用o左切粹o既洋葱, 再混埋用鸡豆面粉 (gram flour) 同香料制成o既炸浆而成, 所以炸出黎o既效果就会系咁, 食落口完全冇炸秾或者油燱味o既感觉.切开o黎睇睇里面:
就会见到一粒粒o既洋葱同鸡豆面粉混和而成o既馅, 食落好似食紧薯蓉咁充实, 点埋薄荷酱非常好味, 一人一件送啤酒o岩o岩好. 正!
Chicken Biriyani (鸡肉炒饭; HK$49)正如楼下o既食家所讲, 亚士厘道分店o既本地客较多, 为o左迁就佢地o既口味, 所以o个度的食品原有o既浓辣风味都被 tune down o左, 无以前咁好食. 今次哎o既鸡肉炒饭我指明要辣 (spicy), 睇下佢地做唔做到应有o既水准, 结果系: 满分! 够辣, 够重口味, 又唔会炒到油淋淋, 系传统印度餐厅式 Biriyani 应有o既水准, 完全合哂我心水! 一路食一路都好兴奋!
Roast Lamb Salad (烧羊肉沙律; HK$52)E记o的沙律一向都大份, 加埋o的铺系面o既转转烧羊肉同酱汁, 足够两个人 share. 酱汁唔系一般o既沙律 dressing, 而系用系羊肉 / 鸡肉卡巴o既乳酪蒜汁(白色)、薄荷酱(绿色)、同埋中东式辣汁(橙色). 我个人最钟意白色o既乳酪蒜汁, 因为佢能够将转转烧羊肉o既香味带出o黎, 系绝佳o既配搭. '三色汁'捞埋o的沙律同烧羊肉, 非常好味! 至于o的转转烧羊肉同鸡肉(见图):
一路食, 一路睇住o的叠得又高又厚o既羊肉(右)同鸡肉(左)俾个炉围住慢慢转, 一层层肉本身o既汁料令o的肉慢慢咁慢慢烤熟, 又香、又软、又脆, 真系令人感到食欲大增, 好想继续食! 只可惜食到呢一刻, 我已经冇哂 quota. 埋单乘惠 HK$136 连加一. 总括o黎讲, 呢度o系各方面都好过亚士厘道分店: 食得好味, 坐得舒服, 无压迫感. 我以后一想食中东同印度快餐, 都会o黎番呢度, 不作他想.
临走时, 见到E记o既招牌同隔离老麦o既招牌交错, 蔚为奇景, 心想: 「人有人食老麦，我有我叹kebab。」食老麦o既走宝了. 
张贴
