恆河咖喱屋 (已結業)

恒河咖喱屋再度回归筲箕湾，而且系电车总站旁，好方便，游完电车河顺便食下。眼见都多街坊食，虽然餐牌有中文，但入面员工都系讲英文多。简单叫左个晚餐C 咖喱牛腩，佢个餐会有送烤饼/酥饼/饭，我地要有牛油香味既酥饼，仲有小食(印度脆饼、咖哩角同鸡件)送。餐汤系南瓜汤，唔算系浓汤但带有d黑椒味。野饮我地加左$20想试MANGO LASSI，呢度系mango lassi 系用新鲜芒果同乳酪打制而成，感觉thick D，几有口感又解辣。我地其实唔算食得辣，所以叫左少辣，好惹味，牛腩亦够腍，个汁都系比较厚身，沾烤饼食一流! 不知不觉全部汁都近乎点晒。酥饼系比烤饼脆，但两只都好味，我自己就钟意原味烤饼多。另外叫左牛油咖哩鸡，个汁系冇牛腩个个咁厚，有香滑感，有少少牛油味同蕃茄味，再加有D香料味，唔辣但又有香浓味道。呢个冇跟餐所以另加左一份plain Naanz，亦非常好味。鸡系滑又已经切成一粒粒，方便夹份饼内食。餐厅唔算好大，但都坐得舒适，好少食印度菜但都几岩好味有风味，钟意食咖哩的一定要试试!