翠榮雞煲火鍋

营业中

休息中

好耐无黎喇，转眼又过两个月，连续帮衬左八妹鸡煲几次，都系觉得翠荣好食好多。装修左㖞，拆左个水吧，舖面大左可以放多张枱，米线同台式饮品完全无做咯。原计划系去深水埗一探新假期本杂志讲既全城第一既麻辣鸡煲，两三个星期前已约朋友们，但最后都因反应冷淡而夭折，无 mood，返翠荣算喇 ﹗翠荣既指天椒免费架，但八妹就到收 HKD10 蚊，不过葱同蒜蓉都无得提供。美国桶蚝，依个 size 最好，有 6 只，之前比巨形既得 4 只，太大唔好食呢。我较钟意烚耐少少，口感更结实，蚝味更浓郁，咬落 Juicy 又多汁，正呀 ﹗手切地牛肉，即牛颈脊，今日瘦左少少呢，所以唔够甜啰，都好食既。滑溜猪红、爽甜金菇、香口鱼腐、索味枝竹、肥美午餐肉，满意满意。已 order 左一只半鸡，所以随意 order 少少野算喇，怕食唔晒又浪费。奇味鸡煲一只中辣，睇黎今晚老板似乎太忙喇，鸡件炒得比平时干，又㶶又鞋，忙都要质数架麻。整旧鸡先，辣辣辣！一额汗！今次中辣比平时劲㖞，好鬼刺激，可能因为比平时煮得耐，辣椒更加出味。奇味鸡煲半只中辣，刚才食完一只鸡都唔够喉，要叫多半只先够食呢 ﹗倒埋落去一齐炒，加多份半香料香菜，正呀 ﹗但跟