秋意 (成業工業大廈)

营业中

休息中

之前帮衬过秋意，一直对佢嘅酸菜鱼同豉油鸡念念不忘，最近终于有机会再去食！今次去发现店舖嘅装修有少少唔同咗，好似换咗啲台凳，啲灯光咗，整体环境舒适咗。秋意特色酸菜鱼 $198呢个酸菜鱼同出面食嘅真系好唔同，佢比起其他酸菜鱼香好多好多！汤底香料爆香咗，而且酸味同辣味融合得非常好，所以成日明知汤底好肥但都忍唔住系咁饮！鱼肉爽滑冇细骨，配料例如薯粉同豆皮都好多～秋意去骨豉油鸡（半只） $94豉油鸡好适合送白饭，所以我地都一人叫咗一碗白饭嚟食。佢哋嘅豉油鸡皮真系好出色，色泽吸引味道更吸引，而且鸡肉仲好滑嫩添！学老板话斋豉油鸡嘅精髓在于皮，大家记得食鸡要食埋皮呀！