品味冰室

营业中

休息中

最近Lunch Time 同同事去过呢间茶餐厅，都几抵食，重点系价钱唔算贵。呢间茶记好多炒嘢食，睇个餐牌就知，炒饭类别选择好多，而且佢哋每星期都会转一次午餐menu，所以日日去食Lunch都无问题。我选择了午餐鱼香茄子饭，上菜热辣辣，原来佢哋系即叫即炒嫁，唔怪得咁新鲜咁好味。已前曾经食过一啲餐厅，煮好晒，你落单就整返热比你，真系完全两回事。茄子由于系即煮，所以软硬度刚刚好，唔会烂到夹唔到。配合埋个酱汁，少少辣，味道又唔会太浓，捞埋啲饭一齐食，一啖饭，一啖茄子，好好味呀。大家如果食Lunch，想食到咁好味嘅茶记，可以去呢间品味到试下，应该会食过返寻味。