新泰東南亞餐廳 (太子集團中心) (已結業)

呢间餐厅之前已经食过一次，最近同朋友都想食泰国菜，第一时间谂起呢间野🙈我同朋友二人，叫既野食唔算多，但就超级满足。我地叫左个南瓜焗咖哩海鲜，另叫左印度薄饼。呢个焗咖哩海鲜，份量好足够，原个南瓜咁上，里面有鱼块，鱿鱼，虾同青口等海鲜，咖哩够香浓惹味，有小小辣，南瓜肉都好容易整起黎食，再将印度薄饼沾上咖喱汁，令人忍唔住哇一声，系超夹既组合，印度薄饼仲要新鲜热辣，够松脆！真系食完一片又一片至于小食方面，店员好贴心咁提我地，蒜蓉带子要尽快食，因为有芝士系面，冻左就唔好食嫁啦！一上枱，就闻到好香嘅蒜蓉味，蒜蓉有少少脆口，同喺外面食嘅新鲜蒜蓉酱系唔同，呢个蒜蓉系比较有口感，带子仲要系大大粒，成个比我地食得一干二净，实在太好味啦，一定要再encore另一样小食都比到我地惊喜，就系烧鳝，好怕食到鱼系有好大嘅腥味，但呢到就冇啦，仲要系厚身肥美同有油脂渗出来，烧得又唔干身虽然食到好饱，但我地都坚持叫咗个芒果糯米饭做甜品，即叫即整，上枱嘅时候啲糯米饭仲出烟嫁糯米饭烟韧度啱啱好唔会太硬，仲有满满嘅椰汁，两个人share就够了每次食每次都有惊喜，我会再食过嫁