杏甜品 (香檳大廈) (已結業)

假日同朋友四处shopping, 记得之前食过Almond Dessert, 好味令人印象深刻, 今日带朋友去叹下甜品chill下。由加拿分道入口, 直上一条楼梯, 干净企理粉绿色主调环境, 非常适合三五知己围埋一齐闲聊食糖水。中西式糖水都有供应, 我地拣咗两款椰皇双皮奶, 配唔同配料, 另外追加咗一款水果。椰皇猫山皇炖双皮奶 HK$75送上台时冇预期散发榴梿气味, 所以唔担心影响身边唔食榴梿嘅朋友。冻嘅猫山皇蓉浸于面层嘅香滑鲜奶, 底层为固体双皮奶, 每啖充满淡淡奶香, 渗咗少少鲜奶入猫山皇蓉, 有奶香之余, 更有阵阵榴梿嘅果香清甜, 最后刮埋椰皇内壁少少椰肉食, 正。  不过 +$15 追加并蜜瓜就有d surprise, 份量极少, 不值得追加。椰皇桃胶炖双皮奶 HK$67同样有鲜奶同埋底层双皮奶, 甜甜地又有层次感嘅桃胶, 养颜又满足。吕宋芒小丸子杏仁茶吸吸 HK$55本身自己好抗拒杏仁果只味, 但呢度嘅杏仁茶易入口, 而且香滑。小丸子少少甜, 熟透带微微烟韧, 间中啜到清甜嘅芒果肉。