小火焰韓式咖啡廳 (觀點中心) (已結業)

黎过呢间餐厅好几次了，无论系lunch time， tea time 定dinner time都黎过，每次既经验都系满意既, 食物质素好， 职员友善helpful👍🏻牛肉水冷面，系呢间餐厅既必食之选。以前系韩国读书既时候，试过当地既水冷面之后，就爱上呢个菜式，尤其是在炎炎夏日，一啖冷面就透心凉。呢间既水冷面面质唔错，唔会太林或太硬，有少少弹口，very good👍🏻个汤底亦好正，甜甜地，酸酸地，咸咸地，好想知系点整出个咁好美既汤。配有青瓜条，红萝卜条，仲有白色既一条条，初初以为系白萝卜，原来系雪梨，唔知系咪咁个汤先会甜甜酸酸咁开胃。呢个菜既另一主角：牛肉，超级好味有少少炭烧味，但肉质好林好滑😋饺子都唔错，馅料有肉(应该系猪肉）有菜，配酱汁食，我觉得配黄色既酱好味d，唔知系咪蛋黄酱，食唔出。而红色既酱就唔系好match. 呢个饭虽然有两条辣椒，但唔系好辣，我系唔系好食得辣，都食到，可能有cream 有芝士混合一齐，辣味就沟淡。味道唔错，但略嫌d饭太林。