影片
更多
2019-04-14
50 浏览
呢个几月实在太忙太辛苦，决定要食返餐好既🥰见最近IG个d都有好多关于Omakase既post，搞我成日心思思想去食，上网睇过好多间，见呢个味一番既价钱又唔算好离地🤙🏻呢个就系今日Menu，而我今晚就选择左番($900)呢个set🤩第一款既Appetizer就系鱼肝，本身都好怕，惊会好腥，点知又几好食㖞，有惊喜💓呢款就系左口鱼边，口感唔错，上面配埋紫苏花，唔单只伴碟靓，另外花嘅香味仲可以平衡返鱼嘅油脂，食落就清新啲爽啲🤙🏻其实食Omakase其中一样中意既就系，望住寿司师傅用心咁准备每一道菜，好严肃好专心，但得闲又会同你讲吓笑，介绍下一啲日本文化，简直系至高无上嘅享受🤪🥰呢一款牡丹虾寿司系我全晚最钟意架，上面橙橙地色嘅就系虾脑，平时嘅我系唔会食虾膏同虾脑架，因为怕腥😖但呢一款绝对唔腥，而且虾膏嘅味有少少似樱花虾干，好香口，超中意呢一款💓💓带子同黑松露都系我嘅最爱之一，毫无疑问呢一款绝对啱我口味🤪系海胆寿司阿～上面黑黑地色既就系新鲜海带，试问有边个可以抗拒到啊🤤哇🤤呢款肥大肉厚既拖罗寿司，简直将全日既幸福感升到最高，油脂嘅分布恰到好处，食落啱啱好，有啲饱肚但就唔会好油腻☺️本来以为拖罗就系呢
见最近IG个d都有好多关于Omakase既post，搞我成日心思思想去食，上网睇过好多间，见呢个味一番既价钱又唔算好离地🤙🏻
呢个就系今日Menu，而我今晚就选择左番($900)呢个set🤩
第一款既Appetizer就系鱼肝，本身都好怕，惊会好腥，点知又几好食㖞，有惊喜💓
呢款就系左口鱼边，口感唔错，上面配埋紫苏花，唔单只伴碟靓，另外花嘅香味仲可以平衡返鱼嘅油脂，食落就清新啲爽啲🤙🏻
其实食Omakase其中一样中意既就系，望住寿司师傅用心咁准备每一道菜，好严肃好专心，但得闲又会同你讲吓笑，介绍下一啲日本文化，简直系至高无上嘅享受🤪🥰
呢一款牡丹虾寿司系我全晚最钟意架，上面橙橙地色嘅就系虾脑，平时嘅我系唔会食虾膏同虾脑架，因为怕腥😖但呢一款绝对唔腥，而且虾膏嘅味有少少似樱花虾干，好香口，超中意呢一款💓💓
带子同黑松露都系我嘅最爱之一，毫无疑问呢一款绝对啱我口味🤪
系海胆寿司阿～上面黑黑地色既就系新鲜海带，试问有边个可以抗拒到啊🤤
哇🤤呢款肥大肉厚既拖罗寿司，简直将全日既幸福感升到最高，油脂嘅分布恰到好处，食落啱啱好，有啲饱肚但就唔会好油腻☺️
本来以为拖罗就系呢一晚嘅压轴，点知寿司师傅又向我呈上呢个拖罗手卷😲唔好睇佢好似系一个普通手卷咁简单呀，师傅系做之前将紫菜烘一烘，所以食嘅时候紫菜都好脆，而且唔会有一咬成个手卷散晒嘅情况出现，都系一个小伎俩嚟㗎🤓🤙🏻
由于有图片上载嘅数量限制，我就拣咗全晚我最钟意食嘅嘢摆上黎同大家分享，总括嚟讲我都好推介呢一间Omakase，性价比高‼️
张贴
