牧羊少年咖啡館 (白楊街)

营业中

休息中

𠮶日晚上好得闲,想揾一个地方同朋友可以坐耐啲，所以就去咗呢间餐厅，一入去坐低个环境非常舒服, 灯光比较昏暗，营造左一个浪漫嘅气氛，地方几阔唔太迫，坐得舒服。一坐低就叫咗个香辣猪颈肉配牛油果酱、烟三文鱼忌廉蘑菇粉同玛格丽塔薄饼，等左大约10分钟之后，先有食物到，虽然只系等左一段时间，但系𠮶阵真系好肚饿，我二话不说，将猪颈肉点一点牛油果酱，然后再用薄饼包住个猪颈肉一齐放入口，一啖食落去嘅时候个牛油果香味超浓，猪颈肉肉汁渗满口腔，几野味。烟三文鱼忌廉意粉份量就一般，但系个汁就几浓郁，啲意粉吸晒啲汁，好入味，如果份量再多少少就非常好。然后到个波饼真心值得推介，饼底唔会太厚，又薄又脆，配料够多，酱又够浓，好食个大型连锁店整嘅Pizza多多声，价钱一般，性价比高。