朗廚坊 (已結業)

趁着假日去科学园享受下阳光同新鲜嘅空气, 由于前一晚临时决定, 见呢间餐厅可以OpenRice订座就一于试下。龙虾汁烩海鲜意粉($85): 整顿午餐最高水准嘅主菜, 绝对可以话香港平民餐厅嚟讲数一数二有水准嘅意粉。首先, 海鲜份量绝对唔孤寒, 有齐青口、虾、墨鱼仔、蚬肉、带子粒! 另外, 意粉烹调时间控制得好好, 做到al dente效果之余, 挂汁能力亦好高。汉堡包薯条($85): 虽然卖相唔系特别吸引, 即炸薯条热辣辣, 最啱小朋友, 汉堡扒亦juicy。朋友叫嘅其他主菜质素都好高, 绝对会再嚟科学园回味一下。