回味館 (已結業)

睇返食评，对上一次嚟已经系两年前o既事，而且又系庆祝母亲节...南乳吊烧鸡 - 少少失色，可能已经冇咗种“重拾鸡味”o既惊喜。鲜味又的确冇上次咁明显...回味脆皮滑心豆腐 - 算保住招牌菜之名，真系做到外脆内滑。不过，略为淡口。榄菜肉松炒四季豆 - 豆爽口，肉松又爆得好香口，送饭之选！京葱爆牛肉 - 呢味竟然有惊喜，葱够大够甜，牛肉又入味又够腍。又系送饭之选！炸大肠 - 炸得干身，唔肥，又冇怪味臭味，算有水准！瑶柱西兰花 - 普通，讲唔出有咩特色...菠萝生炒骨 - 如果唔系刚刚去完新志记的话，可能会俾高啲分...一般啦！火焰虾 - 真系食到火都嚟埋，虾肉霉又冇鲜味，完全唔掂！水准退步咗，价钱仲系算平，不过碟头细咗！