Ricco (已結業)

虽然呢间小店开咗唔系好耐，不过都嚟咗已经N次😂一来好味😋 二来抵食，加上饭同意粉选择都多呀！呢度主打西式餐饮，净系意粉都有超过20款选择，而且食材配搭新颖，感觉好有新鲜感！就以今次试嘅呢款卡邦尼慢煮温泉蛋鸡肉炒意粉芝士同埋焗南瓜汁海鲜饭，温泉蛋配搭清新嘅鸡肉意粉🍝由于系炒，冇咗平时𠮶啲忌廉汁，食起嚟冇咁Heavy，但系温泉蛋可以cover到 creamy嘅口感，绝对值得一试啊！另外南瓜海鲜饭都好有惊喜，浓郁嘅南瓜汁估唔到原来配炒饭底好夹，感觉健康而且食落甜甜地㗎！海鲜嚟讲有清新嘅带子同埋蚬肉，仲有劲大块鱼肉，鱼肉仲要嫩到滑不溜手，直接sir落个胃，好夸张！超有惊喜！炸到脆卜卜嘅香酥鸡球 vs 如雪糕一样软绵绵嘅芝士肉酱焗薯蓉，口感上形成好强劲嘅对比呀！但系两款都咁好食呀，所以系，打和！