三一餃子 (利源西街)

营业中

休息中

今日下昼同个同事过咗海去中环交文件，搞掂之后周围行下，扮外国游客行逛利源东街同利源西街，店舖排档都好有特色，多数售卖一些中国服饰及精品。无意间发现呢间专吃饺子嘅食店，店内是简约装修，桌椅摆放得整齐，播放著轻音乐，感觉舒适。大阪饺子烧，呢个日式食法都系第一次，饺子面铺满大量紫菜同木鱼，仲有烧汁同沙律酱，用嘅系菜肉饺，既吃到大阪烧独有嘅风味，也吃到饺子嘅满足感。蒜心猪肉饺(冰花煎)，呢个煎法一点也不觉油腻，薄片酥脆可口，样子精致，令人更加有食欲，蒜心嘅香味让人回味无穷。虾皮韭菜猪肉饺(汤)，盛载嘅碗子好特品，令卖相更可爱，饺子形态好漂亮，皮薄饀靓，韭菜好香。另外，好欣赏个汤底，用心烹制，浓而不咸。饺子鸡翼，上菜时已经闻到香喷喷，大家千祈唔好心急，因为鸡翼刚刚炸起，非常烫口，小心！呢个讲手工，鸡中翼部份去晒骨，包住猪肉成为"饺子"，啖啖肉，口感好正，非常香口，喜欢吃炸鸡翼嘅朋友一定要试。餐牌同点菜纸都有中文及英文版本，方便外籍游客，很贴心。