影片
更多
2019-01-16
2832 浏览
都话近排旺上海菜咯，短短一、两个月就到访过4家上海菜馆。其实，又一城嘅「王家沙」就无预喺帮衬嘅，我哋一班细胞小组朋友，原打算去「翰腾阁」饮茶，本身都知星期日午市无得订枱，已有组员一早去攞位，但等吓等吓都45分钟啦，无人理，又讲唔到仲要等几耐，所以，建议不如转场，饮餐茶啫。虽然时值午饭旺市，但「王家沙」都算大铺，啲客人又快上快落，所以，上到去等唔使5分钟即有枱。啲细路已经好肚饿，所以，「嗱嗱淋」剔纸仔落单，餐牌都唔得闲影。蟹轼鲜肉小笼包 $52睇落外皮有啲厚，折位亦明显唔细致，所以，入口就较为实，多少都影响咗整体嘅口感。还好嘅喺净肉馅都做到肉鲜、汁多，又几松化。蟹粉小笼包 $78同样，外皮都喺做得麻麻，不过，啲猪肉馅确喺做得唔错，搓得松化唔死实，咬开都几爆汁，加埋蟹粉，入口丝丝蟹香，用料不赖。鲜肉生煎包 $48对比起小笼包，生煎包及锅贴就做得好好多，包面沾咗少少白芝麻，个个饱满大只，包底煎得甘香松脆，包身咬落唔黏牙，而内里猪肉馅如小笼包咁，做得有一手。鲜肉锅贴 $48跟生煎包差唔多，只喺包皮换上饺皮，同样锅贴底煎得焦香脆口，饺皮黏糯筋性，配上多汁嘅鲜肉馅，自不然好食。王家沙咸粢饭 $42
虽然时值午饭旺市，但「王家沙」都算大铺，啲客人又快上快落，所以，上到去等唔使5分钟即有枱。啲细路已经好肚饿，所以，「嗱嗱淋」剔纸仔落单，餐牌都唔得闲影。
蟹轼鲜肉小笼包 $52睇落外皮有啲厚，折位亦明显唔细致，所以，入口就较为实，多少都影响咗整体嘅口感。还好嘅喺净肉馅都做到肉鲜、汁多，又几松化。
蟹粉小笼包 $78同样，外皮都喺做得麻麻，不过，啲猪肉馅确喺做得唔错，搓得松化唔死实，咬开都几爆汁，加埋蟹粉，入口丝丝蟹香，用料不赖。
鲜肉生煎包 $48对比起小笼包，生煎包及锅贴就做得好好多，包面沾咗少少白芝麻，个个饱满大只，包底煎得甘香松脆，包身咬落唔黏牙，而内里猪肉馅如小笼包咁，做得有一手。
鲜肉锅贴 $48跟生煎包差唔多，只喺包皮换上饺皮，同样锅贴底煎得焦香脆口，饺皮黏糯筋性，配上多汁嘅鲜肉馅，自不然好食。
王家沙咸粢饭 $42好耐无食过粢饭喇，虽然一客有2条，但每条都好细，但胜在馅料多，内里塞满油炸鬼及猪肉松，咸香，口感又有层次。
王家沙担担面 $68一般嚟讲，由于担担面出于四川，都会带少少辣劲，不过，王家沙嘅担担面就唔同，浓浓嘅汤汁带花生香，却喺无咩点辣，而面条够韧性，浸耐咗都唔会腍晒。
嫩鸡煨面 $68咪睇碗面好似无乜𩠌，其实，啲鸡丁沉晒晌底，而且，数量唔少，亦做到几嫩，面条同样富韧劲。而个奶白色嘅汤底，入口咸鲜，只喺质感就稍为有啲薄身。
扬州炒饭 $88对比两碗面，个炒饭就显得普通啲，虽则喺咁，个炒饭嘅质素都唔差，炒得饭粒分明，又有几多料吓。
红油抄手 $58咪睇碟抄手上面淋上啲红油好红就会好辣，但查实辣度轻微，唔太呛喉，而抄手皮几滑溜，啲肉馅又唔会太多肥肉，确喺几好食㖞。
家乡炒年糕 $88其实即喺传统嘅上海炒年糕，烟韧有咬口嘅年糕，配上浓厚酱油，做到基本有余，亦反映出上海菜浓油赤酱嘅神髓。
补充多句，茶位收$12个，细路都要，花生就$12碟，我哋一行8人就收两碟钱，另外，仲有加一服务费，却喺人手唔喺好足，无乜服务可言。今次人唔太齐，但方便到转场，否则，食完「王家沙」都未知「翰腾阁」有位未呀！再者，晌「王家沙」嘅消费肯定平过「翰腾阁」一大截，总算喺因「家」得减番啲开支。
张贴
