皇后飯店 (已結業)

星期五晚，本来冇乜打算，但唔知因为呢样定因为𠮶样，结果一家三口就坐低咗喺又一城皇后。其实皇后不嬲都唔平，一个俄国牛柳丝饭要成百三蚊！平日午饭我宁叫set lunch。但晚饭呢又唔同噃，set dinner要二百几，百三嘅俄牛饭又变得“抵”咗！皇后原本号称“俄罗斯西餐厅”，但确系愈嚟愈唔觉，呢度嘅俄国牛柳丝饭系好食嘅，但真系同俄罗斯有关系吗？记得“几”十年前拍拖𠮶时，曾经帮衬过原装铜锣湾旧皇后饭店，记忆中当时嘅俄国牛柳丝饭系火炉镬仔上，仲点了油腻到不得了的鸡卷。可惜𠮶阵冇手机影相呢样嘢，只能够用个脑去记住一九六零年四月十六号下昼三点之前嘅一分钟。因为你，我会记住呢一分钟。