影片
更多
2020-09-29
5117 浏览
生日㖞，当然要对自己好啲啦！抽唔到时间去食晚饭咁就食午餐啦。餐厅午市时间系12至3。订枱𠮶阵即刻定12点，话晒都系闲日唔想同人哋迫食饭时间。食饭当日有电话同我再次确认订枱。去到嘅时候真系一个人都冇㗎，安排咗我哋坐响师傅面前。估唔到我就尝试左我以前一路都唔食既刺身。师傅枱面已经放好晒好多渍物（有牛蒡、蒜头粒）我就谂都唔谂要厨师发板😋，老公就拣咗迷你刺身饭加天妇罗餐。首先睇咗老公个餐先啦，个迷你寿司饭都唔迷你㗎，虽然唔确定师傅放咗啲乜嘢鱼生，但就有大大粒鱼子。啲天妇罗都冇出边食萝卜蓉嘅酱汁俾你，原来咁先系正宗㖞🤔，无油林林。之后梗系要讲下我𠮶个厨师发板啦😃有沙律、渍物同埋前菜。渍物既蒜头完全唔辣，我忍唔住叫师傅之后加过俾我。而前菜系水母同埋茄子。茄子冇乜特别，水母就有少少爽口，食落去同墨鱼差唔多但系就冇墨鱼章口嘅感觉。刺身出场。蚝肉爽口，上面放左蚝胆既汁，鲜咸味啱啱好。赤贝，北寄贝，帆立贝，全部师傅都系新鲜切好用毛巾印一印血水（师傅话系佢嘅日本师傅教既）之后放响柠檬片上面。主要话系食佢嘅鲜味。我个人都认为新鲜嘅海鲜，贝类系唔需要搞咁多调味嘅。结果真系食到佢哋嘅鲜甜同埋爽口。同埋旧旧都好厚肉
餐厅午市时间系12至3。订枱𠮶阵即刻定12点，话晒都系闲日唔想同人哋迫食饭时间。
食饭当日有电话同我再次确认订枱。
去到嘅时候真系一个人都冇㗎，安排咗我哋坐响师傅面前。估唔到我就尝试左我以前一路都唔食既刺身。
师傅枱面已经放好晒好多渍物（有牛蒡、蒜头粒）我就谂都唔谂要厨师发板😋，老公就拣咗迷你刺身饭加天妇罗餐。
首先睇咗老公个餐先啦，个迷你寿司饭都唔迷你㗎，虽然唔确定师傅放咗啲乜嘢鱼生，但就有大大粒鱼子。啲天妇罗都冇出边食萝卜蓉嘅酱汁俾你，原来咁先系正宗㖞🤔，无油林林。
之后梗系要讲下我𠮶个厨师发板啦😃有沙律、渍物同埋前菜。
渍物既蒜头完全唔辣，我忍唔住叫师傅之后加过俾我。而前菜系水母同埋茄子。茄子冇乜特别，水母就有少少爽口，食落去同墨鱼差唔多但系就冇墨鱼章口嘅感觉。
刺身出场。
蚝肉爽口，上面放左蚝胆既汁，鲜咸味啱啱好。
赤贝，北寄贝，帆立贝，全部师傅都系新鲜切好用毛巾印一印血水（师傅话系佢嘅日本师傅教既）之后放响柠檬片上面。主要话系食佢嘅鲜味。我个人都认为新鲜嘅海鲜，贝类系唔需要搞咁多调味嘅。结果真系食到佢哋嘅鲜甜同埋爽口。同埋旧旧都好厚肉。
再嚟有虾，大大只嘅系牡丹虾，而响右边一住咁样嘅叫做富士山白虾。师傅建议我先食牡丹虾再食白虾。因为白虾嘅甜味浓过牡丹虾，如果先食白虾就食唔到牡丹虾嘅甜味。而牡丹虾𠮶只啖啖肉嘅感觉真系唔错。
之后系𫠒红鱼（左上角），师傅用火枪轻轻咁响鱼皮位置度烧一烧。食落口𠮶阵油脂嘅味道。真系非笔墨可以形容。
之后师傅将啱啱牡丹虾嘅虾头炸返俾我食，咁我就冇漏到浓浓既虾膏。
再嚟就系秋刀鱼，一直都觉得秋刀鱼嘅鱼味好浓，或者可以用好腥黎形容我嘅感觉。但师傅邀请我试吓，话秋刀鱼系而家最时令嘅所以我就胆粗粗咁试吓啦。
果然冇令到我失望，秋刀鱼点左佢嘅鱼肝酱，点上葱花同埋芝麻碎真系好好味㖞
其后有北海道根室既赤海鲜，大大片配上卜卜脆嘅鱼子，𠮶啲咸香真系好惹味。
大拖罗亦都系我再次信任师傅嘅手工而食嘅刺身。同样地师傅都系用火枪烧过个大拖罗，𠮶浸油香味令我完全忘记晒鱼腩𠮶啲浓浓嘅鱼味，而且我终于都明白咩系入口即溶嘅感觉。原来我系食到拖罗㗎😝🤩🥳
最后有佢哋嘅招牌手卷，有芝麻碎、吞拿鱼、葱花，仲有啲脆脆地嘅嘢响入边。
面豉汤冇乜特别。甜品系唯一令我失望嘅嘢我期望会见到一个好精致嘅甜品嘅
全程食饭时间都见到师傅不停开水咁系咁冲野，原来佢哋系整紧鱼子啊。佢俾咗一粒我试，完全唔同平时我哋食嘅鱼子。一咬落去嘅感觉好似咬紧一旧粉咁。冇口感冇味道。但就系要不停咁冲佢。咁我哋先至会食到新鲜嘅鱼子。
我第一次坐响师傅吧枱𠮶度，个师傅会不停咁同我讲嘢嘅，有佢嘅讲解令我食呢餐食得好满足。亦都尝试左我从来唔食嘅秋刀鱼同埋大拖罗。
会再试啊
美中不足系甜品，以及整个下午劲口渴。
张贴
