酷啡 (已改名) 查看

星期日的西贡人山人海，呢间酷啡无乜人，心谂都算啦攰攰地，志在揾地方坐下。其实招呼都算唔错嘅，店员好有礼貌，唔会黑口黑面。全部人都笑笑口，乐意为你服务嘅。不过食物方面，就真系麻麻。今日叫左个鸡扒螺丝粉+炒蛋多士。鸡扒系有煎过嘅，不过有少少油腻。炒蛋同多士系正常之作。不过个螺丝粉呢，软硬度适中，但个汤完全无味！同埋啲粟米粒唔甜，同埋系硬嘅。搞到我完全唔想食！其实个汤底做好少少，已经令成件事感觉好好多。建议改善下个汤底，客人叫得螺丝粉或者通心粉，其实都系想食啲有汤嘅嘢，你个汤咁样，即系赶客啫🤷🏻‍♀️