麵屋一平安 (已結業)

今晚放工友人陪我去尖沙咀拎野，拎完野又到左揾食时间。由于时间已经到左8点，冇意欲再揾啲好好嘅餐厅，谂住求其食就算。去到美丽华，见到呢间面屋一平安，比个餐牌吸引左入去。一入到去叫左一个2人套餐。个餐有2杯饮品，2碗拉面，2个小食。首先上左牛舌，一上枱已经闻到好香啦，食落仲香，又爽。唔错唔错之后上埋2个拉面，一个系博多拉面，一个酱油猪骨，拉面面质好好食，汤底都唔差，同出面啲味精拉面唔同，冇咁重味，食到日本嘅味道👍平时食完一碗都唔想再食，今次食完系仲想食多次。最后再上明太子玉子烧，都几好食，不过真系太饱。总括黎讲，呢间拉面太有惊喜，原本以为大商场嘅餐厅都系差唔多。已经知道一定会返黎再食。呢间拉面店没有被各大传媒力推，所以水准一洗7。