太陽蕃茄拉麵 (已結業)

其实我唔知所谓太阳拉面系咩意思，不过行到攰想坐，同埋见有我钟意既蕃茄汤底系招牌，又唔使等位就食啦。咁主餐牌响男朋友手上，我望住个二人餐餐牌248，有两个主食加两个小食同两饮品，男朋友望完主餐牌就话叫餐，大概单点都唔平🤔男朋友拣咗番茄猪软骨拉面我就食蕃茄蟹柳海鲜拉面。前菜就拣咗牛油煎带子同蟹柳沙律，两个都话饮橙汁益力多。饮品嚟咗先都几好味。之后蟹柳沙律得三条平价蟹柳仲无乜沙律酱⋯咁我就慢慢将蟹柳整开自己捞落啲青瓜丝度。本来睇完卖相对佢冇乜期望，点知食落出奇地爽口👍🏻。牛油带子用铁板仔上，好够热带子煎到好脆出晒烟，仲有啲粟米粒粒好香口。主菜上场，咁少猪软骨嘅⋯⋯我果碗只虾虽然唔系主角，但啲炸粉个样好似甩头甩骨又湿左咁，卖相好求其。我果碗有两条贵啲既蟹柳、两鱿鱼圈、两带子、一只虾。近排出街食虾嘅经验都唔系太好⋯呢只虾又系有条黑色嘅连屎既睇😑究竟想点，真倒胃口。其实处理虾肠系整虾最基本嘅，乜而家啲厨水平咁低。算了，蕃茄汤底几好，好多茄肉够浓，所谓粗切拉面都几多，可能系因为话创业10周年加量30%， 烟韧度适中。男朋友果碗猪软骨有啲咸，温泉蛋半只但上菜已经打斜左流晒啲黄落汤哈哈。我坐个位因为同出