阿杏飯團 (富時中心) (裝修中)

阿杏飯團已經成為左我最愛外賣店之一🍙今日翻工前都特登要去買一個做晚餐，結果太想食😂變成左自己個下午茶🤭真係講出嚟都比人笑，下次真係要買2個至得🧳一個留番做後備，仲可以每樣食一半，試哂2種口味。新宿燒汁牛扒飯團$40牛扒已經切成一條條🐮所以都好方便去食，除左牛肉之外，佢每個飯團入面都會有固定左既肉鬆，菜絲🥒加埋沙律醬令成個飯團更濕潤💦而油炸鬼脆脆令本身紫米加糯米既煙韌飯團食落更有口感而根據我個人經驗🥸強烈建議中意食咸蛋黃既人要嗌佢地既芙蓉咸蛋飯團🍳我諗又係時候聽日要再去😂。黑糖珍珠奶茶$27另外天氣咁熱又忍唔住嗌左杯廢水🧋呢到既黑糖珍珠奶茶可以調配甜度，而黑糖珍珠配無糖奶茶就岩岩好😈