影片
更多
2010-10-05
205 浏览
朋友仔问10.1放假有乜搞作…不如齐齐食个饭如何?...食??...火速行动!!...个个都系新界”猪眠”…当中又有朋友要到荃湾办事…好的!...Panda Hotel <殷悦> 一直听讲口碑吾错的…期待已久, 就勿失良机啊!!...闲日下午非繁忙时间打电话去订座…位服务员小姐语气上真系有些少晦气的…算!...望佢有日同我一样明白到”百忍成金”o既道理!!...今日11点黎到…客人未见多…清清静的…位于30楼稳占全层…环境宽敞, 座位舒适行与行间可以踏单车的…两边落地大玻璃窗, 自然光充裕, 四周山峦及区内一众高高低低新旧大厦都尽收眼帘…感觉舒坦…未开餐已心情大好呀!!A4咁大张o既点心纸…选择众多…点心级别都系分为: 特、大、中、小…酒店级中菜…点心价格都会较高…最便宜系取名为”优点”的 - $20!!...炒粉饭面的要过百元…朋友开左壶普浬…普浬吾系我杯茶…朋友话冇乜茶味…麻麻地!!点心+甜品统共要左12款…XO酱炒肠粉…XO酱惹味香口!!...银牙多, 又清又爽!!...肠粉条条色泽均匀!!...镬气十足!!...吾驶配甜/麻酱都够好味!!...赞!!露笋鲜虾饺…
个个都系新界”猪眠”…当中又有朋友要到荃湾办事…好的!...Panda Hotel <殷悦> 一直听讲口碑吾错的…期待已久, 就勿失良机啊!!...
闲日下午非繁忙时间打电话去订座…位服务员小姐语气上真系有些少晦气的…算!...望佢有日同我一样明白到”百忍成金”o既道理!!...
今日11点黎到…客人未见多…清清静的…位于30楼稳占全层…环境宽敞, 座位舒适行与行间可以踏单车的…两边落地大玻璃窗, 自然光充裕, 四周山峦及区内一众高高低低新旧大厦都尽收眼帘…感觉舒坦…未开餐已心情大好呀!!
A4咁大张o既点心纸…选择众多…点心级别都系分为: 特、大、中、小…酒店级中菜…点心价格都会较高…最便宜系取名为”优点”的 - $20!!...炒粉饭面的要过百元…
朋友开左壶普浬…普浬吾系我杯茶…朋友话冇乜茶味…麻麻地!!
点心+甜品统共要左12款…
XO酱炒肠粉…XO酱惹味香口!!...银牙多, 又清又爽!!...肠粉条条色泽均匀!!...镬气十足!!...吾驶配甜/麻酱都够好味!!...赞!!
露笋鲜虾饺…一笼三件…外层可见透出点点翠绿, 朋友o既评语都系赞赏的!!
杞子玉带烧卖…亦系一笼三件, 烧卖亦达应有水准…面放鲜带子系想多点矜贵/特色吧?...但个人觉得卖相吾见得靓左之余, 带子跟猪肉同东菇亦吾系好相配…原装烧卖会更好!!
咸水角…形状比一般较尖细, 冇乜馅, 皮薄但偏甜…
梅菜扣肉餐包…即管一试的!!...梅菜吾甜吾咸, 冇乜味!!...又吾觉有扣肉?!...吾理想!!
焗三文鱼芝士挞…大少比正常蛋挞细一圈, 皮够薄够松, 三文鱼肉混合洋葱碎, 面层放上芝士焗…高卡高脂但好味道啊!!...亦冇想像中腻!!...推介啊!!
炸鲜虾腐皮卷…虾胶厚厚亦够弹牙, 炸得算干身!...合格!!
鸭脚札…好耐冇食过了!!...除鸭脚美味外, 中间包住o既芋条够粉够入味, 猪肉东菇亦够香…包札用o既腐皮亦吸收晒肉汁…几样质感各异o既食材…配搭一起郤好滋味!!...
紫菜上素卷…卖相几吸引咁播!!...用紫菜包著胡萝卜丝、荀丝、东菇丝等, 再上浆炸起!!...外脆内爽, 沾少少醋食, 既香口又醒胃!!...吾错架!!
蒜茸唐生菜从来认为出街叫炒青菜系最油又不值钱的!...都系用来装胸作势话”健康”的!!...可有可无!!
怀旧马拉糕…点样个怀旧法就不得而知但马拉糕系由细个时已喜爱o既点心之一…哩度o既马拉糕甜度可以减些少更好!!
绿茶桂花糕…心心造型几可爱!!...上层晶莹剔透可见丝丝桂花, 下层则系嫩绿o既绿茶糕…可惜味道并吾出色!!...只系有甜味o既一旧糕o罗!!...亳无惊喜!!
午市多张信用咭都有折扣优惠…打折后全单$460…
下次想向荃湾舒舒服饮杯茶…又多个聚脚处o勒!!
张贴
