正斗粥麵專家 (國際金融中心商場)

营业中

休息中

朋友唔系好舒服，想食啲粥清清肠胃。中环食粥嘅地方又唔系好多，所以都拣咗呢间。价钱有少少贵，不过坐得舒服。餐厅等位嘅时间比较耐，可能由于中午人多嘅关系，最后等左三四个字先入座。鱼片瘦肉粥，份量都几大嘅，用料有鱼片、瘦肉，热辣辣，要摊冻先食得。卖相正常，价钱七十蚊到，比出面贵，值唔值就见仁见智。但以国金入面咁餐厅嘅价钱来讲叫做相对平民。鱼汤河粉，美味可口，但卖相有啲颓。而且，对于男仔来讲，可能份量就唔系好够啦，要加啲小菜或者点心，加云吞都系唔错既配搭。最后黎碟干烧伊面，咁多碟菜入边相对价钱贵嘅，盛惠＄110。份量相对大，啱两个人食。干烧伊面唔算好油腻，味道都唔错，亦胜在唔会好咸，加啲辣椒酱食就非常入味。