影片
更多
2023-10-30
30 浏览
朋友屋企楼下开咗间边炉放题，$298免加一，佢叫我陪佢去试。一坐低，佢就俾左一盎竹丝鸡汤，里面有花旗参，杞子，之外仲有几粒原粒干瑶柱，这汤十分滋补养颜, 味道香醇带甘！之后端上一碟五味前菜，包括泡椒鲩鱼鱼皮，中华沙律，辣味螺肉，韩式泡菜同蒜味云耳，各有特色，都好醒胃而且份量十足。 之后系海鲜拼盘！大大只贵妃蚌，蛏子，扇贝，大蚬，蚝肉，鲍鱼同螺！好惊喜佢端上时，依啲海鲜都系好新鲜之余，仲系蒜蓉蒸的，最正嘅系蛏子同扇贝，十分鲜甜之余仲厚肉！蒸嘅时间刚刚好，全部海鲜都唔un!任食鸡煲超正，估唔到小店都有live show! 用烈酒洒上鸡件上再点火炒热气氛，个调味好专业，而且入味！有大量嘅洋葱同紫洋葱，食落都好香口，鸡件嫩滑，啖啖肉。火锅汤底有5种，有特浓番茄，南瓜海鱼，四川麻辣，沙嗲同清新杂菌野菜，我哋选左番茄汤，真系劲浓，食得出有新鲜茄膏同多件新鲜番茄件。而配料都有好多，自己夹，唔洗等，菜都有成6款咁多，好新鲜！其余推介嘅有佢嘅腐竹，大大片，重豆味；另外佢嘅丸都系比出面唔同嘅，更爽口弹牙！仲有大家都喜欢的年糕福袋，short晒啲汁之余，仲有软绵绵嘅年糕，十分滋味而且出面少有，不妨食多两个！
一坐低，佢就俾左一盎竹丝鸡汤，里面有花旗参，杞子，之外仲有几粒原粒干瑶柱，这汤十分滋补养颜, 味道香醇带甘！之后端上一碟五味前菜，包括泡椒鲩鱼鱼皮，中华沙律，辣味螺肉，韩式泡菜同蒜味云耳，各有特色，都好醒胃而且份量十足。 之后系海鲜拼盘！大大只贵妃蚌，蛏子，扇贝，大蚬，蚝肉，鲍鱼同螺！好惊喜佢端上时，依啲海鲜都系好新鲜之余，仲系蒜蓉蒸的，最正嘅系蛏子同扇贝，十分鲜甜之余仲厚肉！蒸嘅时间刚刚好，全部海鲜都唔un!
任食鸡煲超正，估唔到小店都有live show! 用烈酒洒上鸡件上再点火炒热气氛，个调味好专业，而且入味！有大量嘅洋葱同紫洋葱，食落都好香口，鸡件嫩滑，啖啖肉。
火锅汤底有5种，有特浓番茄，南瓜海鱼，四川麻辣，沙嗲同清新杂菌野菜，我哋选左番茄汤，真系劲浓，食得出有新鲜茄膏同多件新鲜番茄件。而配料都有好多，自己夹，唔洗等，菜都有成6款咁多，好新鲜！其余推介嘅有佢嘅腐竹，大大片，重豆味；另外佢嘅丸都系比出面唔同嘅，更爽口弹牙！仲有大家都喜欢的年糕福袋，short晒啲汁之余，仲有软绵绵嘅年糕，十分滋味而且出面少有，不妨食多两个！手切牛颈脊简直一流，超香牛味，而且系厚切，脂肪唔高，罪恶感都无咁多！
入左秋，系大闸蟹嘅季节，我都唔执输叫返只（$60 一只），仲有个牌仔认证的，蟹膏甘香，膏都较软身，如果唔系打完边炉好饱，真系想食多两只吖！
今晚真系好饱足，服务好之余，食物味道好，依家生意难做，好嘅餐厅值得推介一下！
张贴
