大榮華圍村菜 (已結業)

最近食过莲香栈觉得嘛嘛，今日誓要食啲正宗啲好味啲嘅怀旧围村风味。一班人来到湾仔饮茶，食番几个怀旧点心和围村菜，都不知几爽。【椒丝腐乳猪肉眼筋】呢个部位嘅猪肉炒起来原来系好腍滑，配埋较重口味嘅椒丝腐乳通菜一齐食，真系好味到不得了。【咸鲜鎗鱼蒸】用斤几重嘅鎗鱼系至理想。用盐腌匀全身，风干，盐份渗入鱼身，蒸出来就充满咸香味，而且仲保留鱼嘅鲜味。【梅子酸菜蒸鳝】鳝蒸到刚刚熟，保持鱼肉嫩滑。梅子和酸菜一酸一甜互相发挥作用，令鱼味更为突出。【鸡球大包】必食之选，大大个，鸡肉烧卖包晒入去，啖啖肉。【沙姜鸡脚】爱 “蒜”鸡脚的人一定钟意食。【山竹牛肉】、【干蒸牛肉】两款牛肉都有马蹄，所以食落好爽口。【叉烧肠粉】皮薄滑。【枝竹猪肚】又爽又腍。全部嘢食都好有怀旧风味，而且好好食，完胜莲香栈。