味苑 (已結業)

一大班朋友去食饭，最常食既都系围餐，拣好个餐就得啦~~唔驶烦~~哈哈哈哈~今日就拣咗味苑，净系见门口就已经觉得充满中国风架啦~ 有楼上同楼下，今次坐楼上，虽然有少少迫，但系大家都熟就无咩所谓啦~  成餐最钟意既一定系个炖汤啦~羊肚菌猪𦟌炖汤，平时日忙夜忙边有咁多靓汤饮呀~~趁机饮咗去润番下先~ 成盅汤都好足料呀~~~ 食方便就最欣赏好几道菜式都系鸳鸯配搭，例如鱼，牛，饭都有~ 鱼呢，就一边系骨加辣的，另一边就炒球。适合爱辣同唔爱辣的人去食。 牛就有一边系酥炸，脆浆值得一赞，正宗外脆内软。 另一款牛就系黑椒汁，但唔辣的，唔喜欢炸物既朋友食黑椒汁就啱啦。饭就系传统鸳鸯饭，爱浓味就拣蕃茄汁，爱淡味一点就白汁会比较适合。