泓居酒屋 (已結業)

午餐时间想静静地同朋友倾吓计，揾咗一间日本居酒屋，餐厅望到九龙公园园景，感觉非常写意。Lunch set 好抵食，由$98-$188，包埋前菜同饮品。前菜除咗清新嘅沙律菜之外，仲有芝麻汁配秋葵粒，口感清脆。我哋另外加咗款寿司卷 - 铁火卷（Tuna Roll)，寿司饭加入咗赤醋，包住新鲜嘅吞拿鱼。烧原条日式脆皮白鳗（转稻庭乌冬+$15）白鳗外脆内软嫩，份量好多，香味扑鼻，稻庭乌冬口感弹牙，烟靭。泓杂锦串烧定食入面有7种唔同嘅串烧，牛舌、鸡翼、豚肉西京烧、鸡肉串、鸡颈、青椒仔、番薯。牛舌有嚼劲，肉感弹牙；鸡翼肉质细嫩，多汁；豚肉嘅油脂香十足；鸡肉串肉质嫩滑；鸡颈串肥瘦适中有嚼劲。