影片
更多
2022-12-22
1105 浏览
法国餐一直以嚟都俾人感觉一种贵气嘅感觉，Fine Dinning嘅场合先会食到。摆盘讲求精致，似艺术品多过似食物。而最近发现Mega Box开咗一间走田园风格嘅法式餐厅，感觉有别于一般嘅法国菜。餐厅最近仲做紧一个经济实惠嘅2人Dinner set, 份量够之余仲可以拣自己想食嘅头盘同main course, 而且选择都几多。四款自选头盘：法式腌制红菜头简单开胃嘅头盘，红菜头好香甜，唔怕会有菜腥嘅味道。金文毕芝士伴鲜无花果酱用嚟配返餐厅嘅Black Label Chardonnay就最好不过，入口先系无花果酱嘅清甜，然后再带有阵阵奶油香嘅金文毕芝士，口感唔会太腻而且味道偏清啖。配上Chardonnay可以令奶油味同香滑口感增强，而且酒体嘅果香亦会散发得更长久。轻煎腌制剑鱼味道口感有惊喜，好似食紧日式料理，腌制后嘅剑鱼偏酸，开胃感十足。系一个食完想再食嘅starter。挪威烟三文鱼伴蜜糖刁草酱烟三文鱼嘅油份丰富，配搭返蜜糖刁草酱唔会过份地油腻。配返Chardonnay嘅味道令油脂味道提升。甘荀野菜汤味道较为清淡嘅西式餐汤。少少Creamy嘅口感好适合冬天嘅时候，饮完暖笠笠。野菜带有少少田园
法国餐一直以嚟都俾人感觉一种贵气嘅感觉，Fine Dinning嘅场合先会食到。摆盘讲求精致，似艺术品多过似食物。而最近发现Mega Box开咗一间走田园风格嘅法式餐厅，感觉有别于一般嘅法国菜。
餐厅最近仲做紧一个经济实惠嘅2人Dinner set, 份量够之余仲可以拣自己想食嘅头盘同main course, 而且选择都几多。
四款自选头盘：
法式腌制红菜头
简单开胃嘅头盘，红菜头好香甜，唔怕会有菜腥嘅味道。
金文毕芝士伴鲜无花果酱
用嚟配返餐厅嘅Black Label Chardonnay就最好不过，入口先系无花果酱嘅清甜，然后再带有阵阵奶油香嘅金文毕芝士，口感唔会太腻而且味道偏清啖。配上Chardonnay可以令奶油味同香滑口感增强，而且酒体嘅果香亦会散发得更长久。
轻煎腌制剑鱼
味道口感有惊喜，好似食紧日式料理，腌制后嘅剑鱼偏酸，开胃感十足。系一个食完想再食嘅starter。
挪威烟三文鱼伴蜜糖刁草酱
烟三文鱼嘅油份丰富，配搭返蜜糖刁草酱唔会过份地油腻。配返Chardonnay嘅味道令油脂味道提升。
甘荀野菜汤
味道较为清淡嘅西式餐汤。少少Creamy嘅口感好适合冬天嘅时候，饮完暖笠笠。野菜带有少少田园嘅风味。
经典法式洋葱汤
Classic嘅法式餐汤，法包上嘅cheese爆哂棚，味道偏甜中带有少少嘅洋葱辣。
传统法式卡酥莱( 五花肉、猪肉肠配蘑菇白腰豆) 伴沙律
初尝呢道传统嘅法式家乡菜。味道香浓得嚟有少少似中式嘅老火汤，味道以西餐嚟讲系好特别。五花肉先轻轻煎香再加上高汤煮成，感觉好似食嘅入哂味嘅厚切午餐肉。伴餐仲会有一客田园沙律配返，但感觉如果系配白饭嘅会开心好多。
油封烤鸭配法式杂菜薯角伴香橙酱
食法国餐数一数二必点嘅菜式，而餐厅都冇令我失望。外皮油封咗煎得外层好脆口，内里鸭肉好juicy嫩滑，鸭香十足。
蓝莓法式千层酥
甜品系最classic嘅千层酥，吉士酱唔会话好甜，份量细细份唔会好有罪恶感，好完满嘅一个2人set。
张贴
