圓山飯店 (裝修中)

成日经过金巴利道都有留意呢间台湾饭店。见佢系尖沙咀呢个咁有竞争嘅地区都做左多年，今次就去帮衬！避风塘肉蟹虽然话主要食台湾嘢，但我地见台台都叫呢个避风塘炒蟹，我地都唔执输叫返碟。一上台已经闻到个香味，炸蒜同炸面包糠嘅比较啱啱好，肉蟹预早打醉壳，食起上嚟够方便。肉蟹肉质新鲜，香辣味入哂！蚝仔煎蛋 相当足料嘅一个蚝仔煎蛋，蚝仔每只size 都非常之大只，食落一啲都唔声仲好线条煮煎蛋亦都系做到㶶边嘅效果所以蛋味十分香。圆山小炒王呢个招牌小炒王真系出色，材料多之余仲好真材实料，又有虾干又有蚬肉，所以炒得香口之余仲好有鲜味。台式蒜烧香肠真正正宗新鲜嘅台湾肠就应该系咁，香肠食落饱满肠衣够薄够脆，咬落油香同油脂适中，仲要配埋生蒜咁食，又甜又辣咁，钟意食台式肠嘅朋友一要叫。台式肉燥饭肉燥偏系台北口味，偏咸唔偏甜，但真系捞饭真系一流，差啲想叫多碗食。另外原来都可以拣爌肉咁上，不过我觉得肉燥捞饭系最好食。台南担仔面担仔面汤头非常之香浓，食落爽口弹牙，唔食饭嘅朋友叫个担仔面都系一个好好嘅选择。