天天海南雞飯 (ELEMENTS圓方)

营业中

休息中

晚饭时间，我选择咗尖沙咀圆方嘅「天天海南鸡饭」，体验咗一顿色香味俱佳嘅晚餐。首先头盘系南洋酱汁腌花蛤，呢道菜嘅花蛤新鲜爽口，搭配特制南洋酱汁，酸酸甜甜带点微辣，开胃得嚟又提升咗食欲。主菜当然系佢地最出名嘅天天海南鸡，鸡肉质地细嫩滑口，就算冇牙都食到，每一块鸡肉都吸收满满嘅原汁原味，配上特制嘅姜蓉和辣椒酱，味道层次丰富，真正展现咗海南鸡嘅精髓。而鸡油饭香气扑鼻，每粒饭都黄澄澄闪闪发光，令人回味无穷。当然，晚餐嘅完美配搭非五十年代咖啡蒜香猪肋骨莫属，猪肋骨肉质鲜嫩唔痴骨，外层嘅咖啡蒜香味道独特，既有咖啡香又有蒜香味，系一道创意十足嘅菜式。尖沙咀圆方嘅「天天海南鸡饭」环境舒适，座位阔落，装潢简约而温馨，服务员态度友好，令人感觉宾至如归。餐厅位于圆方，无论搭巴士定地铁都好方便。非常建议大家前嚟试吓。