影片
更多
2023-04-06
436 浏览
睇戏之前，顺便去戏院隔离嘅西餐厅Alimente食dinner。睇完menu，发觉呢度应该系主打健康，有main, pasta & rice, power bowl等选择。我哋拣咗2个set, 再加一份小食。喺收银处付款先，之后再揾位坐，店员会送餐。餐厅有两个area可以坐，拣咗比较入面嘅area。环境安静，带点复古feel，几啱倾偈。晚餐时段+$30就可以升级做套餐，可以拣沙律/餐汤，仲有一杯果茶/咖啡/茶/汽水。我哋拣咗一个餐汤同一个沙律，餐饮拣咗果茶。是日果茶系冰糖雪梨，都几润喉，无冰很好。餐汤系田园蔬菜汤，几浓郁！沙律都几大份，好新鲜！仲有两块烘得好脆嘅面包，加埋少少牛油🧈，正！深海鱼扒配烤菜 $158见到系👍🏻推介，就一于试下。鱼肉都几嫩滑，一啲都唔干，鱼皮香脆，夹埋上面嘅蒜粒一齐食都几惹味！烤菜有好多款，有平时比较少食嘅椰菜仔，蔬菜香甜又健康！芝士脆鸡意式包配薯条 $128有两块鸡扒夹喺包入面，加埋大量蔬菜，仲有流心芝士，好吸引😋 等咗一阵先切开一半分享，脆鸡仍然系热嘅，鸡肉仲几juicy，配埋意式包都几好食！薯条香脆，几有薯味！美式传统香肠薯蓉（配洋葱香菌汁）$63见到相
睇完menu，发觉呢度应该系主打健康，有main, pasta & rice, power bowl等选择。我哋拣咗2个set, 再加一份小食。喺收银处付款先，之后再揾位坐，店员会送餐。
餐厅有两个area可以坐，拣咗比较入面嘅area。环境安静，带点复古feel，几啱倾偈。
晚餐时段+$30就可以升级做套餐，可以拣沙律/餐汤，仲有一杯果茶/咖啡/茶/汽水。
我哋拣咗一个餐汤同一个沙律，餐饮拣咗果茶。是日果茶系冰糖雪梨，都几润喉，无冰很好。餐汤系田园蔬菜汤，几浓郁！沙律都几大份，好新鲜！仲有两块烘得好脆嘅面包，加埋少少牛油🧈，正！
深海鱼扒配烤菜 $158
见到系👍🏻推介，就一于试下。鱼肉都几嫩滑，一啲都唔干，鱼皮香脆，夹埋上面嘅蒜粒一齐食都几惹味！烤菜有好多款，有平时比较少食嘅椰菜仔，蔬菜香甜又健康！
芝士脆鸡意式包配薯条 $128
有两块鸡扒夹喺包入面，加埋大量蔬菜，仲有流心芝士，好吸引😋 等咗一阵先切开一半分享，脆鸡仍然系热嘅，鸡肉仲几juicy，配埋意式包都几好食！薯条香脆，几有薯味！
美式传统香肠薯蓉（配洋葱香菌汁）$63
见到相好吸引，有3条英式香肠，都几香几juicy。薯蓉份量好多，超级幼滑，好creamy！
呢度食物整体都好唔错，店员服务态度仲好好，价钱又合理。嚟开附近睇戏，仲可以买食物入戏院食，又或者买外卖去西九野餐都几好👍🏻
张贴
