圓苑

营业中

休息中

今晚收工黎左尖沙咀山林道既圆苑食晚饭。之前黎过一次，觉得菜式都唔错呀。圆苑主餐牌有餐前小食，烧烤，明炉烧味，燕窝汤羹，鲍鱼海味，海鲜，巧手小菜，猪牛类，煲仔菜，家禽，豆腐蔬菜，粥粉面饭。另外有厨师推介。今日叫左两份巧手小菜同一份烧味。餐前小食$15一份餐前小食系酸荞头，爽脆又酸甜，好开胃。荔枝蜜汁叉烧 例牌就$168，呢个系小，似系例牌既一半份量。蜜汁叉烧一客8件，食落都算腍，瘦𠮶部分都唔会太干，味道都可以。榄菜肉松四季豆 $128 另加一榄菜肉松四季豆有脆口四季豆加上咸香肉碎同榄菜一齐炒，仲有辣椒同少量洋葱碎。热辣辣上枱，味道唔错，感觉有风味又健康。家乡小炒皇 $138 另加一家乡小炒皇配料有韭菜，香脆芋头丝，少量灯笼椒。海鲜有鲜虾仁，鱿鱼同虾干。另外仲有脆口腰果，口感好多层次。加上XO酱一齐炒，味道少少辣，好惹味。海带绿豆沙食完仲有糖水送，系一人一碗海带绿豆沙。海带绿豆沙好足料，煲到烂，味道又唔过甜。今日两款小菜都唔错。餐厅装修新净，好光猛又干净。平日夜晚都坐满咁滞。最后多谢友人请客。