樂園牛丸大王 (已結業)

小弟好多年前食开近登打士果边果间，唔知呢间系米现代版分店，定两回事。店内就一味标榜菜澜推介。点度好，小弟以为系登打士果间既摩登版先去食。菜澜食果腕可能好正，小弟食两腕都系仲衰过苑记！净牛根丸，丸既大少缩晒水，完全唔弹，有一两粒甚至系软既，重要混入两三粒普通牛丸。离谱！鱼饺河，鱼饺非常一般，比街市求其买一盒既水准差。致命败笔系河粉。一，煮过龙，近乎透明，软到烂，无晒texture！二，无味汤底，装埋索晒水过晒龙既河粉，成腕野淡而无味，好似用滚水浸烂河粉加几粒鱼饺咁，失败。摩登装修再制度化，跟手又减低食本缩丸减汤，有咩意思！见到入面系一班一味快乱咁来既后生仔煮野，真系一额汗！满有希望，点知食完又感概又失望。可惜！