金河餐廳小厨 (已結業)

见到晚市好多人食，就揾次试吓，夜晚系食港式小菜，叫咗一个一品粉丝煲$108，出到嚟同图片同埋我想像中好唔一样，睇图应该系用粉丝炒嘅，实物就系海皇杂菜煲，有汤𠮶种，冇办法啦照食，味道非常清淡，入边有西兰花、油麦菜、生菜、杂菇、杂锦海鲜等等。另外一个小菜叫左咸鱼煎肉饼，味道唔错嘅，咸鱼味好香，一上碟就已经闻到。与其话系煎，口感更似炸。价钱稍为少少贵，见到好多人主要都系食海鲜，饮啤酒咁样，适合𠮶啲一班男人嘅聚会。