Hero Sandwich (已結業)

同老公行街，食晚饭。我叫左个安格斯牛堡，食物黎到后发现图中有蕃茄有酸瓜。但系我睇个汉堡就系见唔到呢两样野。问下待应系咪比错左，话唔系，系包入面。我打开睇系见到块蕃茄嘅。心谂酸瓜都应该系入面啦，照食。点知食晒成个包都食唔到一粒酸瓜。我就想问下待应系咪溜左，睇下可唔可以加番块比我。点知呀待应借左聋耳陈只耳，大声叫极都唔应。跟住佢黎收野，劲快手收左就走。我连要开声嘅时间都冇。最后我决定放弃唔追块酸瓜。汉堡包图上明明有酸瓜，点解食嘅时候就冇嘅？我想食汉堡就系为左块酸瓜，酸瓜系汉堡嘅精髓，食落会开胃d。结果因为冇酸瓜所以我好失望。