影片
更多
2013-08-11
154 浏览
原本一心嚟呢个商场系想试佢隔离间抹茶主题餐厅，但去到之后佢竟然唔做生意，之但系我又好肚饿喇，于是就试试呢间标明「台湾双料冠军牛肉面」喇，果真一试便知龙与凤，早知睇完食评先点菜啦……坐低睇睇MENU，睇落每样嘢都好似好好食，非常之满心欢喜，而且啲相影得好靓，我都知「相片只供参考」，但系到啲食物一嚟，先发现啲相片不但同实物相差极远，甚至我个人认为佢唔应该摆相出嚟误导食客。先嚟一个香辣牛肚粉皮($28)，睇相好靓仔，嚟到啲牛肚条少到……我以为有人食完先畀我，搅一搅先发现，其实佢只系放咗啲辣油落去就算，放入口除咗辣味同埋好油之外，就咩味都无，食到后尾我发觉，不如自己开樽辣椒油出嚟仲好食过佢，仲要系好难得先食到一条牛肚条，仲要系用「条」嚟形容，少到呢……之后系招牌「半筋半腩面」($52) ，整体味道尚可，喜欢「药材」味嘅朋友可能会特别喜欢。啲筋非常非常之软淋淋，好勉强先夹得起，不过就无咩特别嘅味道；而啲腩亦非常非常之淋，淋到完全唔似肉，亦无咩特别味，口感有啲奇怪。成碗都就系得２条筋、２条肉，抵唔抵食见仁见智。唯一可取系佢嘅黑糖Latte ($18)，黑糖味出奇地浓厚，非常抵赞。最后一样要提提，喺
坐低睇睇MENU，睇落每样嘢都好似好好食，非常之满心欢喜，而且啲相影得好靓，我都知「相片只供参考」，但系到啲食物一嚟，先发现啲相片不但同实物相差极远，甚至我个人认为佢唔应该摆相出嚟误导食客。
先嚟一个香辣牛肚粉皮($28)，睇相好靓仔，嚟到啲牛肚条少到……我以为有人食完先畀我，搅一搅先发现，其实佢只系放咗啲辣油落去就算，放入口除咗辣味同埋好油之外，就咩味都无，食到后尾我发觉，不如自己开樽辣椒油出嚟仲好食过佢，仲要系好难得先食到一条牛肚条，仲要系用「条」嚟形容，少到呢……
之后系招牌「半筋半腩面」($52) ，整体味道尚可，喜欢「药材」味嘅朋友可能会特别喜欢。啲筋非常非常之软淋淋，好勉强先夹得起，不过就无咩特别嘅味道；而啲腩亦非常非常之淋，淋到完全唔似肉，亦无咩特别味，口感有啲奇怪。成碗都就系得２条筋、２条肉，抵唔抵食见仁见智。
唯一可取系佢嘅黑糖Latte ($18)，黑糖味出奇地浓厚，非常抵赞。最后一样要提提，喺同一碗面入面竟然浮住2条好长嘅眉毛，我唯有当佢系牛腩毛，无洗干净……不过都无理由有咁多架？！佢应该改名做「台湾双毛冠军牛肉面」 =_="
题外话/补充资料：
佢哋收钱嘅地方，同时系员工打卡、厨房出菜位、水吧出菜位同埋厨房落单位，真系迫到呢……大家一齐迫喺一个只得２呎几嘅地方，但系佢间舖好大，好多空位，我真系唔明点解咁都得！
(以上食记乃用户个人意见 , 并不代表OpenRice之观点。)
张贴
