會所1號 時尚康山

营业中

休息中

年廿九晚，一家六口去咗太古城间ClubONE  食团年饭，因为一早订咗枱，所以去到就已经可以入座啦。我哋睇完餐单上有个六位用嘅套餐，就无再拣散叫啦，而原价$1880，即时登记做埋会员，就可以有八折，所以随即入埋会，攞咗个优惠先。六位用嘅套装有烧味拼盘（有油鸡脾、义烧和海蜇）可惜海蜇比较辣、花胶蟹肉翅、翡翠炒虾球、发财好市、金银蒸龙趸头腩、金鸡报喜、瑶柱蛋白炒饭，全部都煮得唔错，份量都啱啱好，六个人都食得好饱，唔需要再加𩠌，最后个甜品系每人一个冻嘅泡芙，细细个入口唔会太甜，好味。总结：食物水准好，环境灯光令人坐得舒服，木地板感觉干净过地毯好多，职员服务态度又亲切有礼，今次申请咗张会员卡后，以后有机会都会带妈去饮茶。