傲嚐 (已結業)

團年飯，揀嚟揀去決定食私房菜，貪佢係工廈區，泊車吾使煩，訂左枱又吾使等，吾會催你走。無味精，足料，湯渣大大碟，湯的份量也很足，一人飲3-4碗都OK。尾段湯凍了，請伙記加熱，亦無托手踭。比想像大隻，以鮑魚計（不連殼）都有4cm x 6cm左右大。呢味冰鎮鮑魚配上WASABI同鼓油，俾個LIKE。根據菜單顯示，呢味應該係美極大花蝦，但食落無美極味，似椒鹽多啲，需然憑該都係雪蝦，但真係好大隻，同埋估佢吾到都幾好食。味道可以，有咩清酒味，應該揮發晒掛，有大量配菜墊低（合情合理），配菜相當入味，我個人食配菜多過啲花甲。雞算幾大隻，肉質OK。同桌家人起菜前以為係脆皮“芝麻雞“，嚟到見到係有好多“芝麻“嘅雞，有驚喜。訂菜時已知係斑類，比預想中大條。起初MEUN為聖子皇，食前幾日收到短訊話聖子吾夠大，改為貴妃蚌，家人覺得貴妃蚌吾抵食，最後加一舊，轉做肉蟹。份量夠，有成3至4隻蟹，夠惹味，好似真係食得出陣鑊氣。最後先上，超大碟，食吾晒。改嚟改去嘅MEUN，其實你想食咩，WA佢，佢會俾個MEUN同個價你。是晚隔枱，有人參雞湯，又龍蝦.........，睇見都流口水，下次可以一試。