影片
更多
2020-02-15
3088 浏览
之前，曾到访过「京都荟」饮早茶，而且，感觉唔错，虽然啲枱櫈旧啲、残啲，但啲点心平靓正，又有唔少优惠选择。故此，细胞小组嘅团年饭就拣咗晌度食，可惜，跟早市比，晚市似乎有好大落差！由于时近农历新年，有唔少人都喺拣番食中餐，所以，酒家内都坐满客人，好不热闹。介绍吓啲基本餐牌，都喺大家晌一般酒楼常见嘅菜式，都喺啲明炉烧味、地道小食、巧手小炒、炒粉饭面、海鲜呀、优惠组合、套餐呀……等等。另收茗茶就$15位，小食（花生）$15碟，加一就唔在讲啦。所以，饮啖茶，食啲花生，加埋一就已经收咗我哋两嚿几水喇。餐牌中有一个称为「晚饭九大天皇」嘅菜牌，喺啲特价嘢嚟，我哋有得10个人，可以拣其中3款。谂住花胶云吞鸡汤、双冬羊腩煲、脆皮芝麻鸡，点知后两者话无供应。花胶云吞鸡汤 $198呢个喺「晚饭九大天皇」嘅菜式之一，原价标$398，依家卖$198，最划算嘅菜式。而且，足有半只鸡，份量都有一大锅，不过，花胶廖廖无几，最弊喺只鸡唔熟，里面仲渗血，已经麻烦经理再整过，汤底佢用番原汤（因为认得啲云吞），可惜第二只半边鸡都喺唔熟，真喺唔明。但经理都好好人，照帮忙取消呢道菜。蜜桃菠萝咕噜肉 $38餐牌都有讲明个特价菜喺例牌
由于时近农历新年，有唔少人都喺拣番食中餐，所以，酒家内都坐满客人，好不热闹。
介绍吓啲基本餐牌，都喺大家晌一般酒楼常见嘅菜式，都喺啲明炉烧味、地道小食、巧手小炒、炒粉饭面、海鲜呀、优惠组合、套餐呀……等等。另收茗茶就$15位，小食（花生）$15碟，加一就唔在讲啦。所以，饮啖茶，食啲花生，加埋一就已经收咗我哋两嚿几水喇。
餐牌中有一个称为「晚饭九大天皇」嘅菜牌，喺啲特价嘢嚟，我哋有得10个人，可以拣其中3款。谂住花胶云吞鸡汤、双冬羊腩煲、脆皮芝麻鸡，点知后两者话无供应。
花胶云吞鸡汤 $198呢个喺「晚饭九大天皇」嘅菜式之一，原价标$398，依家卖$198，最划算嘅菜式。而且，足有半只鸡，份量都有一大锅，不过，花胶廖廖无几，最弊喺只鸡唔熟，里面仲渗血，已经麻烦经理再整过，汤底佢用番原汤（因为认得啲云吞），可惜第二只半边鸡都喺唔熟，真喺唔明。但经理都好好人，照帮忙取消呢道菜。
蜜桃菠萝咕噜肉 $38餐牌都有讲明个特价菜喺例牌份量，其实，睇落都有8两嘅例牌份量，但用只大碟，就显得寒寒酸酸咁。味道方便，喺一啲都唔差，酸香唔呛喉，开胃好食，啲咕噜肉外层又唔会黐住大大嚿粉。
清蒸沙巴龙仔 $58条沙巴龙仔，OK㖞，卖得$58，睇落有斤几重，依家去街市，求其买条鱼平平哋都要几十蚊啦。食鱼鲜最好就喺清蒸，咁先食出其鲜味，而条鱼蒸得啱啱好，又有鲜甜味。
另外，仲有一款「海鲜大汇晚市孖宝」特价餐牌，8款海鲜菜式，任拣两款都只喺卖$228，睇落好划算，但试过就知有啲呻笨。
豉椒炒花甲豉椒菜式一向受人欢迎，所以，其中一款海鲜菜式就拣炒蚬。的确，炒得几香口惹味，而且，吉壳唔太多，蚬肉亦算得肥大。
豉汁蒸大白鳝豉汁蒸又喺另一伴饭好菜式，但相对碟炒蚬，碟蒸大白鳝有少许失色，尤其跟菜牌张相，份量真喺差好远，卖相碎湿湿。幸好，啲鳝味道唔差，又油润甘香。
竹笙鼎湖上素 $108又鱼又肉，就梗喺点啲蔬菜类菜式啦。先上场喺清清哋嘅鼎湖上素，蚝皇汁底，所以，食起嚟唔会觉得好寡，感觉唔错。
百合木耳炒西芹 $78另一道蔬菜菜式都喺拣得清啲，而且，木耳高营养，西芹又可以降血压，同埋，木耳同啲西芹都好爽口，啱我哋当中嘅中佬，哈哈！
腊味糯米饭 $98 除咗嗌咗啲白饭，仲加个腊味糯米饭垫吓肚。成晚嘅菜式，似乎最好喺道糯米饭，色泽均匀，饭粒黏糯却唔会一嚿嚿，好食㖞。
虽然同枱唔少细路，但个个都食得吓，所以，之后再补多两个𩠌先够填饱大家，但就无影到相。今晚菜式OK啦，但份量有啲偏少，招呼就还可以啦。
张贴
