金溪海鮮火鍋 (已結業)

今日因为要就下老人家，所以就系金溪食团年饭，金溪真系由我'细细个就听过呢个名啦'，细个时记得一到大时大节就会多人到d台开到出舖头出面。但其实转左老细之后我都好少黎食，因为质素每况愈下。先讲今晚嘅𩠌先。白灼虾：新鲜嘅都，冇一只虾系梅嘅，不错。烧味拼盆：鸡肉几好味，烧鸭就肥多过肉，海哲都系现成嘅当然蒸星斑：系新鲜，蒸得老左少少，但咁都要400蚊就唔抵啰。豉汁炒蚬：一d都唔似系炒，完全冇镬气，似烚熟加个汁咁。蒜蓉粉丝蒸扇贝：扇贝系新鲜嘅因为仲系痴壳嘅，味道就刚好，粉丝够入味。炸海鲜卷：因为有小朋友先叫呢个，我冇食到但见到碟底有水....我老公食左会入面好淡好水。黑椒牛柳：牛肉系未熟嘅，直到系得3成熟....味道就一般。竹笙莲藕：竹笙好一pat野，味道好啖。西兰花炒花枝片：味道不过不失。成餐饭要1668大元，其实真系完全唔抵食，但真系因为要就老人家先会黎。