影片
更多
2013-02-24
108 浏览
年近岁晚，朋友呀、教会小组呀、家人呀、亲戚呀……都有好多餐团年饭要食，今年头尾食咗6餐团年饭，真喺使咗唔少，跟老婆家人食嘅，唔多方便影相，食评就无谓写。团年饭嘅第一炮，就喺跟以前晌酒店做过嘅旧同事，上次八月大家晌又一城八月花聚过，本来都无打算晌过年依段时间搞局，因为都知过年忙，团年饭局多，但其中一位老死提议过年前聚一聚食番餐，咁就促成今次嘅饭局。由于上次大家对晌又一城食饭都觉得挺方便，所以照旧拣嚟又一城，啱啱小弟又有啲现金券，故此建议晌PizzaExpress食意菜，贺团年！上次坐里面，环境较幽静，骚扰性少；但今次订枱时要求坐出面假露天位，睇吓又点，感觉就喺开扬啲。由于我哋6个人，一早已锁定6人餐，$668，晌指定餐牌中选择，包咗两款头盘（4选2），一款沙律（3选1），两款薄饼（6选2），一款意粉（3选1），再加甜品3客，饮品就包六杯。比上年3月嚟见个6人餐$648贵咗$20，都好湿碎，不过内容就晌甜品同饮品方面改动咗啲，稍为无咁著数。以下标示埋个散叫价，等大家多个参考。焗磨菇 $73首先上嘅头盘喺焗磨菇，一客6粒，无论做法、伴碟都唔同咗。以前6粒焗磨菇都喺以机磨菇醸入马苏里拉芝士、香
团年饭嘅第一炮，就喺跟以前晌酒店做过嘅旧同事，上次八月大家晌又一城八月花聚过，本来都无打算晌过年依段时间搞局，因为都知过年忙，团年饭局多，但其中一位老死提议过年前聚一聚食番餐，咁就促成今次嘅饭局。由于上次大家对晌又一城食饭都觉得挺方便，所以照旧拣嚟又一城，啱啱小弟又有啲现金券，故此建议晌PizzaExpress食意菜，贺团年！上次坐里面，环境较幽静，骚扰性少；但今次订枱时要求坐出面假露天位，睇吓又点，感觉就喺开扬啲。
由于我哋6个人，一早已锁定6人餐，$668，晌指定餐牌中选择，包咗两款头盘（4选2），一款沙律（3选1），两款薄饼（6选2），一款意粉（3选1），再加甜品3客，饮品就包六杯。比上年3月嚟见个6人餐$648贵咗$20，都好湿碎，不过内容就晌甜品同饮品方面改动咗啲，稍为无咁著数。以下标示埋个散叫价，等大家多个参考。
焗磨菇 $73首先上嘅头盘喺焗磨菇，一客6粒，无论做法、伴碟都唔同咗。以前6粒焗磨菇都喺以机磨菇醸入马苏里拉芝士、香草汁、忌廉汁嚟焗，今之就3粒以马苏里拉芝士、香草酱嚟焗，另3粒以以羊奶芝士酱搭香草酱嚟焗，并弃面包球改伴面包条，但就同样配上干蕃茄酱及香草汁。焗磨菇水准依然，菌香之下带少许焦香，非常多汁，不过啲面包条稍为干身。
迷迭香脆包 $60以迷迭香、蒜蓉、特纯橄榄油、辣椒、海盐所做嘅脆包，点啲薄批嘅样子，只喺无馅啫，又脆又香，充满迷迭香同蒜蓉味，配汤我估效果更好，可惜套餐唔包汤，散叫一客成$50一碗，感觉有啲唔划算。
主厨精选沙律 $112沙律有3款拣：夏日沙律、主厨精选沙律、鸡肉凯撒沙律，拣上中间嘅主厨精选贪佢材料用上较多种类，包括鸡肉、火腿、芳堤娜芝士、艾蒙顿芝士、橄榄、有机鸡蛋、酸豆、车厘茄、青菜沙律，伴招牌沙律酱，不过，感觉上成个沙律无咗一份整合性，只喺一堆材料好似盆菜咁逐层逐层放埋一齐，无乜个性。PizzaExpress啲沙律酱喺另上，亦可要求混入沙律中，所以，小弟觉得依款沙律应该要求将沙律酱预先跟所有材料捞匀个做法会好好多。
美国辣味薄饼 $134薄饼分为罗马薄饼或那波里薄饼，今次就改咗分为罗马薄饼（饼底更大、更薄、更香脆）、轻盈薄饼（薄饼中间挖空换上新鲜火箭菜，再配上唔同材料）、传统薄饼（传统饼底，只喺罗马薄饼厚少少，但就绝对唔喺晌PizzaHut见到厚批𠮶种。美国辣味薄饼属于传统薄饼，但饼底仍然几薄，咬落唔会太脆，但就带点烟韧，馅料方面有匈牙利肉辣肠、墨西哥辣椒、巴马臣芝士，蕃茄酱。芝士同蕃茄酱很香浓，而辣肠加辣椒又带嚟点刺激，馅料少及铺得唔平均喺美中不足之处。
烟三文鱼薄饼 $139第二个薄饼都喺传统薄饼，而且拣烟三文鱼薄饼需另加$20。餐牌食有嘅材料包括：烟三文鱼、刁草、忌廉芝士、fior di latte芝士、柠檬，fior di latte芝士好陌生，事后上网翻查一下，喺意大利文，字面意思喺milk’s flower，小弟戏谑佢为奶花芝士，跟水牛芝士做法相同，只喺奶来源唔喺水牛，而喺源自一般母牛。依个薄饼又几正㖞，烟三文鱼大大块铺上批面，烟熏咸香，而忌廉芝士、「奶花芝士」、蕃茄酱嘅配搭唔错，如果落多啲刁草就仲好。
海鲜意粉 $115 睇唔出个海鲜意粉喺依期食谱嘅新菜式，因为一般印象海鲜意粉都喺大路嘢。其实个卖相唔喺好靓，感觉碎碎乱乱，不过睇真海鲜料十足，有虾肉、蚬肉、青口、鱿鱼，而且质素唔错，配以白酒蕃茄酱汁，虽然酒香唔重，但胜在蕃茄酱惹味鲜活。
甜品以前甜品送两份甜品拼盘，即喺6件迷你甜品（亦即喺正常份量嘅一半），依家就改咗跟甜品3客（朱古力蛋糕或意式芝士饼），但份量属正常份。如果想升级，可以+$20升为甜品拼盘（晌焗面包球配朱古力榛子酱、朱古力蛋糕、意式芝士饼、芝士蛋糕任拣3款迷你装）。
朱古力蛋糕 $56
黑漆漆嘅朱古力蛋糕，质地湿润，朱古力味浓，正呀！仲伴有一球云喱拿雪糕，雪糕表面睇出粒粒云喱拿籽，质应柔滑，原来喺XTC品牌，怪不得咁有质素。
意式芝士饼 $60意式芝士饼亦做得出色，马卡风芝士打得幼滑，手指饼有酒香无过湿，面层唂咕其实可以唔使打咁厚。
甜品拼盘由独立要咗一件朱古力蛋糕同一件意式芝士饼，所以个甜品拼盘就拣1件芝士蛋糕 + 2份焗面包球。芝士蛋糕依然有水准，虽则今回个消化饼底整得颇厚，但无改芝士馅心味道浓郁及柔软；相反，焗面包球可能唔太啱朋友嘅口味，大家都觉得麻麻，口感干又唔暖。
饮品可拣汽水（$35/罐）：可乐、健怡可乐、雪碧、干姜水、矿泉水（250ml），或+$10转橙汁、红莓汁、苹果汁、咖啡、茶、无限添饮冻柠茶（$38），又或+$25转一支啤酒、一杯餐酒。我哋又颇一致㖞，6罐干姜水吖，唔该！哈哈！
同上次一样，由于无时限，7:30pm食到10:30pm，其实应该喺倾到10:30pm，女生特别多嘢讲，但难得老友一聚，倾到细水长流又如何吖？至紧要大家开心！
题外话/补充资料：
扣番小弟啲现金券，实际每人都唔使过百，不过，方便大家有个参考，以下个人均是次消费喺以正价计，即喺未扣除现金券个原价。
(以上食记乃用户个人意见 , 并不代表OpenRice之观点。)
张贴
