影片
更多
2013-02-26
1110 浏览
团年饭嘅第二激，就喺跟教会嘅细胞小组饭聚，因为牵涉多个家庭，所以约期都搞咗几耐，但都就到个星期六晚，虽然仲差几个组员，但有成10大4细加个手抱B仔，一共15人齐济济一堂，颇为热闹呀！第二朝要返主日，啲细路又话要返主日学，所以又喺要拣番啲大家就脚嘅地方。加上年近岁晚，又喺星期六，间间都分两个时段，连旧年食过嘅京华都一样，第一轮早得滞，小朋友啲兴趣班未放人，第二轮又晏得滞，食完都可能要成10:00有多。揾咗好耐，卒之揾到太子凤城，唔喺因为佢喺米芝莲一星，而喺佢竟然无分时段。不过，依个喺假象，之前已好担心咁问清楚，到时喺咪有位无问题？唔会有时限吗？点知，位就订咗7:30pm，小弟负责搞，都已经早几个字到，结果8:00pm先有枱俾我哋，足足等咗成45min。去过依间凤城嘅人都知，佢哋门口窄，楼梯通道又窄，加埋其他等位客，好似一家几口逼晌个数十呎板间房。虽然负责个阿姐已经好努力去安排入座，又解释3楼今晚有包场，但如果你承担唔到咁多客喺咪一喺分场，一喺就接少啲客。我哋大人都无乜所谓，喺怕啲小朋友啫。幸好，大家都肯忍耐吓，几个妈咪、嗲哋讲吓凑仔经，又陪啲细路玩吓，总算消磨到！有几款套餐「良朋套餐」（
第二朝要返主日，啲细路又话要返主日学，所以又喺要拣番啲大家就脚嘅地方。加上年近岁晚，又喺星期六，间间都分两个时段，连旧年食过嘅京华都一样，第一轮早得滞，小朋友啲兴趣班未放人，第二轮又晏得滞，食完都可能要成10:00有多。揾咗好耐，卒之揾到太子凤城，唔喺因为佢喺米芝莲一星，而喺佢竟然无分时段。不过，依个喺假象，之前已好担心咁问清楚，到时喺咪有位无问题？唔会有时限吗？点知，位就订咗7:30pm，小弟负责搞，都已经早几个字到，结果8:00pm先有枱俾我哋，足足等咗成45min。去过依间凤城嘅人都知，佢哋门口窄，楼梯通道又窄，加埋其他等位客，好似一家几口逼晌个数十呎板间房。虽然负责个阿姐已经好努力去安排入座，又解释3楼今晚有包场，但如果你承担唔到咁多客喺咪一喺分场，一喺就接少啲客。我哋大人都无乜所谓，喺怕啲小朋友啫。幸好，大家都肯忍耐吓，几个妈咪、嗲哋讲吓凑仔经，又陪啲细路玩吓，总算消磨到！
有几款套餐「良朋套餐」（$1,180，7-8位用）、「超值套餐」（$1,880，9-10位用）、「特价套餐」（$2,480，12位用），另收茶芥加一，价位都OK，只喺菜式唔太啱心水，都喺散叫合心意啲。
对上一次晌依间凤城食已经喺2008年初嘅事，其实𠮶次印象麻麻，今次再嚟，枱櫈依然喺咁逼，人手依然喺唔多够，服务依然喺麻麻哋，但今次所点嘅食物大家都食得津津有味，好啱胃口，尤其个梅子焗米鸭，真喺好duck。
锅贴大明虾 $140
嚟凤城点依道菜都算喺指定动作，一客12件（例牌），侍应话可以按人头再加，不过有啲细路唔食得炸嘢，所以照要一个例牌都可以喇。大虾去谷挑晒肠起双飞，夹住一小炷蕃茜，跟白面包炸成虾多士。件虾多士本身已经唔算油，但蘸点喼汁，油腻感就更轻，多士底非常脆，而大明虾肉质爽甜、虾味鲜，正！
凤城炸粉果 $68（每打）锅贴大明虾都当喺道前菜小食，唔多好送饭，跟住再嚟亦都喺一样，当前菜小食嘅凤城炸粉果，依道菜又喺凤城另一特色嘢。卖$68一打几抵食，粉果馅料不赖，有虾肉、冬菇、猪肉……等等，净食已经唔错，小弟个人食法喺要快浸一浸个汤，去油腻喺其次，令个炸粉果变得软糯，但咬𠮶吓先有点脆脆，慢慢又嗒到上汤甜味，最后就软软糯糯。
香煎莲藕饼 $80藕饼在于事前功夫，打莲藕，搓猪肉，都要时间心机。莲藕饼煎得非常香脆，藕味都几突出，而质感有咬口又唔松散，好食！
上汤灼芥菜胆 $80晌张菜单上，样样嘢都有标价，但唯独蔬菜类就无，只列低一堆菜名：豆苗、菜心、芥兰、西兰花……。煮法由你决定，又或问吓经理意见，依碟上汤灼芥菜胆就喺阿经理建议个煮法。芥菜胆经上汤灼过好鲜甜，带点点爽口，唔点蚝油都OK。
蒜蓉豆豉炒油麦菜 $70另一道蔬菜菜式就拣个惹味啲嘅，蒜蓉豆豉炒够晒香口惹味，而且啲炒菜够镬气，送饭良伴。
生㓥大海斑二食 $328，喺「是日介绍」之一，有斑球，又有炆头腩，都食得过嘅推介，就要一份，一餐饭要有菜、有肉、有鱼先够平均嘅。家乡炒斑球
一啲都唔斑球呀，大大件嘅斑块，无骨啱晒啲细路食，肉质又炒得好鲜嫩，鱼味浓，不愧为大海斑。仲有芹菜、蜜糖豆、木耳，几款都喺口感爽脆嘅配菜，所以整道菜有嫩有爽，好稳妥嘅一道鱼类菜式。
枝竹炆头腩相对炒斑球，炆头腩就浓香好多，头腩份量亦唔少，而且炆过特别入味，充满磨豉香。此外，垫有枝竹及冬菇，索满汁，又喺好食。
脆皮炸子鸡 $240（半只$120）炸子鸡属凤城名菜，唔少客会点，伴有一小件柠檬压汁加添炸子鸡芳香，亦喺依度特色。老套一句，真喺皮脆肉滑，外皮确喺甘金松脆，油脂唔多，鸡肉嫩滑入味，喼汁淮盐都可以唔使点，带少少柠檬芳香，果然别饶风味！
梅子焗米鸭 $360焗米鸭喺需预订嘅菜式，亦唔似炸子鸡有半只买，所以我哋成围枱，当然预订一只啦，结果个米鸭不负众望。虽然唔知个焗米鸭点整，睇落应该无八宝鸭呀、玉簪田鸡腿呀……咁复杂，但就真喺唔订无得食。米鸭鸭肉好松化，又软又腍，而且渗出浓浓梅子香，酸味得嚟啱啱好，唔会太过火，连底下啲梅子汁捞饭亦正，酸甜有肉膻香。
大良炒鲜奶 $88等咗好耐都未见个大良炒鲜奶，仲以为漏单，总之就千呼万唤始出来。不过，成晚所有菜式，以依个炒鲜奶似乎有啲失准。奶炒得唔喺好滑，而且有少少怪味，所以大家试咗啲都无再夹喇。
莲蓉西米焗布甸 $88焗布甸喺今晚另一个要预订嘅菜式，亦喺凤城名物，分细$68、大$88、加大$120，唔知点因算个份量，叫侍应安排就得喇。我哋10多个人，叫个大都已经OK，1人1小碗。布甸捧出嚟仲喺热气腾腾，新鲜出炉咁，焗得个面面有微焦，好靓。面层喺蛋浆同西米，底下喺白莲蓉，既清香又软滑，无过甜嘅毛病，超正！
冻椰汁红豆糕 $14 / 3件我哋当中都有好几个组员都钟意食甜品，所以，既然个冻椰汁红豆糕卖咁平，又点可以唔叫呀，仲一次过叫4客，尽量人人都试多少少。由于切割摆位问题，其实每件糕都有几多红豆，红豆大粒清甜，而椰汁糕部份，亦好浓椰汁味，质感亦唔会太削。
哗，饭后一热一冻甜品作结，相信大家都好满意今晚餐团年饭喇！埋单都喺$2,200，净喺计番我哋10个大人，每人都喺$220，食到咁有质素菜式，都几值呀！当然，订咗枱都可能要等好耐，环境非常挤拥，嚟食就要有少少以上心理准备。张贴
