上海婆婆336 (已結業)

就快过年, 岩岩过去既周末同屋企人食个团年饭同家人食饭,最好就系食中菜先黎饮个酸辣汤入面既料好似碗仔翅咁,有肉丝,冬菇丝,木耳而且好足料,啖啖都有料到,因为有好多木耳既关系,饮落去好爽口汤就系酸酸辣辣,第一啖觉得太辣,但第二啖开始就觉得岩岩好,饮完好开胃!小笼包应该系即叫即蒸,因为都等左一阵先出黎皮够薄,入面既汤汁好多,点少少醋食最好味!红油抄手以为红油系会辣既,点知呢度个酱系甜甜地,入面旧肉大大粒有6粒好抵食!鸡丝粉皮粉皮够滑,青瓜多多好清新捞埋啲花生酱食可以话系无敌呀!