聚寶海南雞

营业中

休息中

屋企好忙，今年冇时间发鱼翅整干鲍，净系发咗猪婆参、用澳洲冰鲜鲍煲鸡、茄汁虾碌、煎帆立贝等。团年饭加料，区内可选嘅有限，“得龙”烧鹅过时过节次次都烧得差几分冇收油劲肥，已经唔想搞到食到发脾气。谂起“聚宝”海南鸡，之前一日已经问定年三十晚收16:00，于是阿妈就中午时份买定留番夜晚。呢度嘅海南鸡次次都冇失手，全部骨去得好干净碎都冇，鸡肉滑有油香，附送嘅姜蓉系我最钟意嘅酱，细佬就钟意点另一款豉油。有时落街食晚饭都会去“聚宝”，贪佢几十蚊有汤有𩠌有饭，个汤都唔错，成个煲仔上。